Тохир Шамсиддинов: "Мақсадимиз фақат ғалаба эди"

Шиддатли ўтган бу беллашувдан сўнг "Навбаҳор" ҳимоячиси Тохир Шамсиддинов ўз фикрлари билан ўртоқлашди.  

- Тошкентга фақат ғалаба учун келган эдик - дея  сўз бошлади Шамсиддинов.  Илҳом Мўминжонов жамоамизга мураббий этиб тайинланганидан сўнг машғулот жараёни ҳам ўзгарди. Ушбу беллашув биз учун жуда муҳим эканлигини билар эдик. Жамоамиз билан 10 нафар бўлиб қолишимизга қарамай ғалабага бўлган шижоат бизни тарк эткани йўқ эди.

“Норин”  жамоаси ҳам бу ўйинга жуда яхши тайёргарлик кўрган. Бугун биз бир ёқадан бош чиқариб,ўз олдимизга қўйган мақсадни бажардик. Бундан жудаям хурсандман.  Жамоа кейинги мавсумда ўз олдига қўйган мақсади бор: кучли бешликдан жой олиш. “Навбаҳор” ҳали ўз сўзини айтади. Бизни қўллаб-қувватлаган барча мухлисларга раҳмат айтаман.

- Бу мавсум ўз ниҳоясига етди. Кейинги мавсумда ҳам “Навбаҳор” билан фаолиятингизни давом эттирасизми ёки...
- Келажак ҳақида гапиришга ҳали вақт бор. Таклифлар ҳам бор аммо тўғри қарор қилиб, ушбу таклифларни ҳам кўриб чиқиш ниятим бор.

Дилдора Холбоева  суҳбатлашди