"Тоттенхэм" Заньолога даъвогар

23 ёшли ҳужумкор ярим ҳимоячи 2018 йилда Миланнинг "Интер" клубидан Италия пойтахтига кўчиб ўтди ва ўшандан буён А Серияда деярли 100 та ўйинда майдонга тушди. Унинг Жозе Моуринью бошқарувидаги жамоадаги ҳолати ўз тарафдорлари томонидан масхара қилинганидан кейин катта сўроқ остида қолди. Бу Италия Кубоги доирасидаги "Женоа"га қарши кечган ўйин (1:0)да содир бўлди.

Трансферлар бўйича эксперт Альфредо Педулланинг тезкор ҳисоботига кўра, бунга гувоҳ бўлган "шпорлар" январь ойи охирида Италия терма жамоаси вакилини қўлга киритиш учун тайёргарликка киришди. Мамлакатнинг кўплаб клублари ҳам бундай вазиятдан фойдаланиб қолмоқчи. Инглиз клуби Заньоло учун юришни мавсум охирида қилишдан манфаатдор. Бу Премьер-лига клубига катта устунлик беради. Заньолонинг "Олимпико" эгалари билан шартномаси 2024 йилгача мўлжалланган. Битим муддатини узайтириш бўйича музокаралар аллақачон ўтказилган, бироқ бу ҳеч қанча олдинга силжимади.

Николо Заньолога "Тоттенхэм"дан ташқари "Вест Хэм" ва "Ноттингем Форест" клублари ҳам қизиқмоқда. "Рома"да тахминан 44 млн фунтга баҳоланган футболчининг келишуви тугаши муддати яқинлашгани учун 26 млн фунтгача нарх белгиланди.