"Тоттенхэм" ижарадаги футболчисини ортга қайтармоқчи

"Шпорлар" ярим ҳимоячи Жек Кларкни қишки трансферлар ойнаси вақтида жамоага қайтаришлари мумкин.

Лондон клуби бош мураббийи Жозе Моуринью ёш вингерни машғулотлар пайтида кузатмоқчи, шундан сўнг футболчи борасида якуний қарор қабул қилинади.

"Тоттенхэм" Кларкни ўтган ёзда "Лидс"дан 11 миллион евро эвазига харид қилган эди, аммо уни ортга ижарага қайтариб юборганди.

19 ёшли футболчи 2019 йилдан бери Англиянинг 20 ёшгача бўлган терма жамоасида ўйнаб келмоқда.