Тошкент вилоятида Маҳмуд Раҳимов хотира турнири бўлиб ўтди
12 окт 2018 15:45
Янгиликлар

Тошкент вилоятида Маҳмуд Раҳимов хотира турнири бўлиб ўтди

Бугун, 12 октябрь куни Тошкент вилоятининг Ўрта Чирчиқ тумани стадионида 2003 ва 2005 йилларда туғилган футболчилар ўртасида марҳум таниқли мураббий Маҳмуд Раҳимов хотира турнирининг ҳал қилувчи ўйинлари бўлиб ўтди.

Тошкент вилояти футбол ассоциацияси томонидан ташкил этилган турнир март ойида старт олган эди. Унда 7 гуруҳга бўлинган 50га яқин жамоа иштирок этди.

2005 йилда таваллуд топганлар ўртасидаги мусобақада АГМК ўсмирлари ғолиб бўлишди. Улар финалда Янгибозор шаҳрининг БЎСМ жамоасини мағлуб этишди.

2005 йилда туғилганлар турнири

1-ўрин. АГМК

2-ўрин. БЎСМ (Янгибозор)

3-ўрин "Металлург"

4-ўрин. Ўрта-Чирчиқ

Турнирнинг энг яхши футболчиси - Тоҳир Абдукаримов (АГМК)

Энг яхши дарвозабон - Миржалол Эргашалиев ("Металлург")

2003 йилда таваллуд топганлар мусобақаси финалида АГМК ва Бекободнинг "Истиқлол" жамоалари куч синашди. Бу ёш тоифасида ҳам олмалиқликларнинг қўли баланд келди. Учинчи ўрин учун ўйинда Чирчиқ олимпия захиралари коллежи жамоаси Олмалиқнинг БЎСМ клубини мағлуб этди.

2003 йилда туғилганлар турнири

1-ўрин. АГМК

2-ўрин. "Истиқлол" (Бекобод)

3-ўрин. Чирчиқ олимпия захиралари коллежи

4-ўрин. БЎСМ (Олмалиқ)