"Торино" "Ювентус" футболчисини ижарага олди
28 июл 21:40
Янгиликлар
"Торино" "Ювентус" футболчисини ижарага олди
"Ювентус" форварди Марко Пьяца "Торино"га ижара асосида кўчиб ўтди.
Шартнома мавсум охиригача амал қилади. "Торино" футболчининг трансфер ҳуқуқини сотиб олиш имкониятига эга бўлади.
26 ёшли хорватиялик вингер ўтган мавсумда "Женоа" таркибида тўп сурди. У А Серияда 35 учрашув ўтказиб, 3 та гол урди ҳамда 2 та голли узатмани амалга оширди.
Ўхшаш янгиликлар
championat.asia
Футзал. ЖЧ-2021. Ўзбекистон тарихий ўйинда Эрон дарвозасига 8 та тўп киритиб, мусобақадаги иштирокини мардонавор равишда якунлади
ОФК кубоги-2021. Ҳусайн Норчаевнинг бенефисига айланган учрашувда "Насаф" Ҳиндистон клубини йирик ҳисобда мағлуб этди
ОФК кубоги-2021. "Насаф" кейинги ўйинни қачон ўтказади? 
8 октябрда "Олтин тўп" номзодлари эълон қилинади
Фикрлар
Миржалол ҚосимовБунёдкор
Янгиликларни Телеграмда ўқинг!
Олий лиганинг 13-туридан ўрин олган "Бунёдкор" - "Қўқон-1912" (2:1) учрашуви якунлангач ташкил этилган матбуот анжуманининг иккинчи қисмида "қалдирғочлар" бош мураббийи Миржалол Қосимов қатнашди.
- Жуда ҳам қизиқарли, шиддаткор ва жанговор ўйин гувоҳига айландик. Шу каби учрашувлар мухлисларга ёқади. Бугун стадионга келган ишқибозлар яхши, сифатли футбол кўришди. Қўқондан ташриф буюрган мухлисларга катта раҳмат айтаман. Гарчи улар уйларига тушкун кайфиятда қайтишаётган бўлсада, футболдан завқ олишди, деб ўйлайман.
Натижадан қониқдик. Ўйинда кўплаб вазиятлар яратдик. Лекин улардан фойдаланиш коэффициенти паст. Бугун чизиқлар орасида бироз бўшлиқ пайдо бўлди. Айрим футболчиларимиз терма жамоа ихтиёридан етиб келишгани боис бироз толиқиш бўлди. Аммо бу футболда бўлиб турадиган нарса.
- Элдор Шомуродовнинг ўйини хусусида фикрингиз қандай?
- Элдор Шомуродовнинг ўйини қониқарсиз. Авваламбор Элдор иқтидорли футболчи саналади. Индивидуаль жиҳатдан ҳам кучли футболчи. Аммо бу йилги ўйинлари анча пасайди. Омади чопмаяпти, демаган бўлардим. Шомуродов ўз устида ишлашни пасайтириб юборди. Унинг ҳаёли четга кетиш шекилли. Футболчи шартномаси тугагунга қадар ўйнаб бериши керак. Футболни мажбуран ёки таниш-билишчилик билан ўйнатиб бўлмайди.
Яқинда унга статистикани кўрсатдим, ҳужумчи учун гол муҳим. Шомуродов эса жорий мавсумда ҳали чемпионатда бирорта гол ургани йўқ. Имкон қадар Шомуродов билан алоҳида гаплашиб, унинг ҳолатини яхшилашга ҳаракат қиляпман. Умид қиламанки, давралар оралиғида ўз спорт формасини тиклайди ва иккинчи даврада ўзини яхши тарафлама кўрсатади.