19 февраль куни "Варзиш" деб номланган Тожикистон давлат спорт телеканали тест режимида эфирга узатила бошлаган эди. Бугун ушбу канал расман ўз фаолиятини бошлади. Энди тожикистонлик спорт мухлислари HD (high definition - yuqori tiniqlikda) сифатда турли мусобақаларни томоша қилишлари мумкин. Барча суратга олиш, монтаж ва трансляция ускуналари HD форматида ишлайди.
Ушбу канални Тожикистон аҳолисининг 60% рақамли форматда томоша қилиши мумкин. "Варзиш" телеканали футбол бўйича Европанинг кучли бешлик чемпионатларини кўрсатишни режа қилган.
Эслатиб ўтамиз, юртимизда "UZREPORT" телеканали Англия Премьер-лигаси ва УЕФА Чемпионлар лигаси баҳсларини тўғридан-тўғри эфирга узатмоқда.