Тоҳир Усмонов Аргентинадаги "Бока Хуниорс"да шуғулланади
25 янв 2016 10:17
Янгиликлар

Тоҳир Усмонов Аргентинадаги "Бока Хуниорс"да шуғулланади

"Андижон" собиқ футболчиси, ҳозирда "Бока Хуниорс"нинг АҚШдаги академиясида таҳсил олаётган Тоҳир Усмонов, ўз жамоасининг Аргентинадаги базасида шуғулланади.

Бу ҳақда 20 ёшли футболчининг ўзи маълум қилди.

"Шу кунларда "Бока Хуниорс"нинг Аргентинадаги базасида шуғулланиш учун шартномага имзо чекдим. У ерда бир қанча муддат машғулот ўтказамиз. Карлос Тевесни кўриш орзуим амалга ошади деган умиддаман. 12 февраль куни Лионель Месси ватанига йўл оламиз. Ҳозирча шу, қолгани ҳақида кейинроқ батафсил маълумот бераман. Подадан олдин чанг чиқармоқчи эмасман" - дейди Тоҳир Усмонов.

Эслатиб ўтамиз, "Андижон" собиқ футболчиси 2015 йилнинг ёзида "Бока Хуниорс"нинг АҚШдаги академияси билан шартнома имзолаган эди.

Ҳавола :

Манба : championat.asia

Янгиликларни Телеграмда ўқинг!

Рейтинг: +13