Тимур Турдиев: "Бугун икки очко йўқотдик"
24 авг 2021 21:37
Янгиликлар

Тимур Турдиев: "Бугун икки очко йўқотдик"

Про лиганинг 16-туридан ўрин олган "Арал Самали" - "Олимпик" (1:1) учрашувидан сўнг мезбонлар бош мураббийи Тимур Турдиев ўз фикрларини билдириб ўтди.

"Бугун қийин ўйин ўтказдик. Биринчи бўлимда меҳмонлар бир оз устунликка эришган бўлсалар, иккинчи бўлимда жамоамиз йигитлари ўзларига келиб олишди. Иккинчи бўлимда ўйинни тенглаштирдик ва айрим вазиятларда устунликка ҳам эга бўлдик.

Бугун икки очко йўқотдик, десак ҳам бўлади. Йигитлар негадир биринчи бўлимда яхши ўйнашмади. Иккинчи бўлимда айтиб ўтганимдек, устунликка ҳам эга бўлдик.

Бизда дарвозабонлар мураббийи бор, ишлаяпти. Мураббий дарвозабонлар билан индувидиал ишлайди, ҳозир икки посбонимиз ҳам яхши ўйин намойиш этмоқда", – деди "Арал Самали" устози.

Ҳавола :

Манба : championat.asia

Янгиликларни Телеграмда ўқинг!

Рейтинг: +3