Тим Кэхилл ўзининг хайрлашув учрашувида 5 дақиқа тўп тепади
19 ноя 2018 17:50
Янгиликлар

Тим Кэхилл ўзининг хайрлашув учрашувида 5 дақиқа тўп тепади

Австралия терма жамоаси бош мураббийи Грэм Арнольд ярим ҳимоячи Тим Кэхиллнинг хайрлашув учрашувида футболчига кўп ўйин вақти бермоқчи эмас.

Эртага, 20 ноябрь куни австралияликлар Ливанга қарши баҳс ўтказишади, бу 38 ёшли футболчи учун миллий жамоадаги сўнггиси бўлади. Кэхилл терма жамоадаги фаолиятини якунлаши ҳақида ЖЧ-2018дан сўнг эълон қилган эди.

"Ўйиннинг 85 дақиқаси натижага қаратилган бўлади. Биз учун ўртоқлик ўйини деган тушунча йўқ. Сўнгги беш дақиқани Тиммига бағишлаш мумкин" - дейди Арнольд.

Кэхилл 2004 йилдан бери Австралия терма жамоаси шарафини ҳимоя қилади. У ҳозиргача миллий жамоа сафида 107та учрашувда майдонга тушиб, 50та гол уришга муваффақ бўлди. У фаолияти давомида "Эвертон", "Миллуолл", "Нью-Йорк Ред Буллз", "Шанхай Шеньхуа", "Ханчжоу Гринтаун" ва "Мельбрун Сити" шарафини ҳимоя қилган. Айни дамда у Ҳиндистоннинг "Жамшидпур" клубида тўп тепади.

Ҳавола :

Манба : Fox Sports

Янгиликларни Телеграмда ўқинг!

Рейтинг: +5