Тевес: “Манчини билан мунозарага борганимдан афсусдаман, аммо...”

“Ўшанда мураббий билан тортишиб қолганимдан афсусдаман, аммо ҳақиқат мен томонда эди. Мюнхенда “Бавария”га қарши баҳсда Агуэро ягона ҳужумчи сифатида майдонга туширилди. Дастлабки 10 дақиқадан кейин иккита тўп фарқи билан ортда қола бошладик ва Манчини мен томонга ўгирилиб, майдонга тушишга тайёргарлик кўришим кераклигини айтди. Мен биринчи бўлимдаёқ майдонга тушишим ҳақида ўйладим. Йўқ, адашган эканман. 35 дақиқа майдон четида шуғулланиб, ўйинга тушишимни кутиб турдим. Танаффус олди у менга тайёргарликни давом эттиришмни такрорлади. Танаффусдан кейин ҳам 15 дақиқача “қизиб олиш”дан тўхтамадим. Шундаям мураббий мени олдига чақирмагач, бироз ҳолдан тойдим ва захира ўриндиғига бориб ўтирдим.Чунки бир соатдан ошиқроқ вақт давомида майдон четида ҳаракатланиб турдим. Шундан кейин мураббий яна мен томонга қараб, тайёргарликни давом эттиришим кераклигини айтди. Мен унга “йўқ, буниси энди ошиб тушди” деб жавоб қайтардим. Ўйиндан кейин у мени майдонга тушишдан бош тортганликда айблади. Бу эса табиийки мени жудаям жаҳлимни чиқарганди”, дея Тевеснинг сўзларидан иқтибос келтирмоқда Marca.