Тьерри Анри: "Арсенал"дан "Барселона"га ўтганимда йиғлаганман"

"Арсенал" 2007 йилга қадар жуда кучли, мағлубият нималигини билмайдиган жамоа сифатида шаклланган эди. Кейинги мавсумда эса бу жамоа анча сочилиб кетганди. Мен "Арсенал"ни тарк этаётганимда 29 ёшда эдим. Ўшанда жамоадан кетиш ҳақида ўйламаётгандим. Шунчаки яна 4-5 йил юқори савияда ўйнашим кераклиги ҳақида бош қотираётган эдим. Айни ўша мавсумда Арсен Венгерни жамоада қолишига ҳам ишонмагандим. "Арсенал"дан "Барселона"га ўтаётганимда йиғлагандим. Бу осон бўлмаган. "Барселона"дек жамоани тарихида қолиш осон иш эмас. Аммо биз бир мавсумда олтита совринни ютиб, бу ишни ҳам уддалагандик.