Терма жамоа навбатдаги машғулотини ўтказди ФОТО
05 сен 2014 22:33
Янгиликлар
Терма жамоа навбатдаги машғулотини ўтказди ФОТО
Бугун Ўзбекистон миллий терма жамоаси ўзининг навбатдаги машғулотини ўтказди.
Хабарингиз бор, кеча “Пахтакор” стадионида Осиё ўйинларида иштирок этадиган таркиб Иордания билан баҳс олиб бориб, 2:0 ҳисобида ғалаба қозонди. Энди 8 сентябрь куни миллий терма жамоамиз ўз тарихида илк бора Янги Зеландия термасига қарши ўртоқлик ўйинида майдонга тушади. Шу муносабат билан йиғинга чақирилган футболчилар Тошкентда машғулот олиб боришмоқда.
“Жар” стадионида ўтказилган бир ярим соатлик машғулот одатдагидек енгил чигалёзди машқлар билан бошланди ва бу машқларни терма жамоамиз мураббийлари Шуҳрат Мақсудов билан Бахтиёр Ашурматов ўтказишди. Айтганча, машғулот бошланмасидан олдин бугун туғилган кунини нишонлаётган Темур Кападзени жамоадошлари ва мураббийлар штаби табриклашди. Машғулотнинг асосий қисмини эса бош мураббий Миржалол Қосимов олиб борди. Бунда эътибор ўйин пайтида футболчиларнинг бир-бирларини тушуниб ҳаракат қилишга қаратилди.
Машғулотда “Пахтакор”нинг етти нафар футболчисидан ташқари ҳамма иштирок этди. Хабарингиз бор, “Пахтакор” 7 сентябрь куни Олмалиқда олий лиганинг тур учрашувини ўтказади, шу боис ўзаро келишувга кўра Қосимов бу клуб футболчиларига жавоб бериб юборди. Кеча Иорданияга қарши майдонга тушган футболчилардан Сардор Рашидов, Ислом Тўхтахўжаев ва дарвозабон Элдор Суюнов бугунги машғулотнинг асосий қисмида иштирок этишмади. Улар фақат тикланиш машқларини бажаришди. Шунингдек, Жасур Ҳасанов ҳам тикланиш машқларини бажарди.
Қолган барча футболчилар эса машғулотда тўлиқ иштирок этишди: легионерлар ҳам, ўзимизнинг олйи лигада тўп тепаётган футболчилар ҳам. Машғулот пайтида ўйинчилар икки таркибга бўлинган ҳолда футбол ўйнашди ва бунда ҳисоб очилмади.
“Қизиллар”: Игнатий Нестеров, Виталий Денисов, Анзур Исмоилов, Шавкат Муллажонов, Шуҳрат Муҳаммадиев, Темур Кападзе, Одил Аҳмедов, Азиз Ҳайдаров, Санжар Турсунов, Сервер Жепаров, Фарҳод Тожиев.
“Сариқлар”: Никита Рибкин, Азамат Исроилов, Шерзод Файзиев, Бобур Йўлдошев, Салим Мустафоев, Дилшод Жўраев, Фозил Мусаев, Фаррух Сайфиев, Воҳид Шодиев, Наврўз Олимов, Шаҳзод Нурматов.
Машғулотлар эртага ва индин ҳам давом эттирилади. Душанба куни эса Янги Зеландияга қарши ўртоқлик учрашуви бўлиб ўтади. Ўйин “Пахтакор” стадионида соат 19:00да бошланади.
Х.Холиқов.
“Жар” стадионида ўтказилган бир ярим соатлик машғулот одатдагидек енгил чигалёзди машқлар билан бошланди ва бу машқларни терма жамоамиз мураббийлари Шуҳрат Мақсудов билан Бахтиёр Ашурматов ўтказишди. Айтганча, машғулот бошланмасидан олдин бугун туғилган кунини нишонлаётган Темур Кападзени жамоадошлари ва мураббийлар штаби табриклашди. Машғулотнинг асосий қисмини эса бош мураббий Миржалол Қосимов олиб борди. Бунда эътибор ўйин пайтида футболчиларнинг бир-бирларини тушуниб ҳаракат қилишга қаратилди.
Машғулотда “Пахтакор”нинг етти нафар футболчисидан ташқари ҳамма иштирок этди. Хабарингиз бор, “Пахтакор” 7 сентябрь куни Олмалиқда олий лиганинг тур учрашувини ўтказади, шу боис ўзаро келишувга кўра Қосимов бу клуб футболчиларига жавоб бериб юборди. Кеча Иорданияга қарши майдонга тушган футболчилардан Сардор Рашидов, Ислом Тўхтахўжаев ва дарвозабон Элдор Суюнов бугунги машғулотнинг асосий қисмида иштирок этишмади. Улар фақат тикланиш машқларини бажаришди. Шунингдек, Жасур Ҳасанов ҳам тикланиш машқларини бажарди.
Қолган барча футболчилар эса машғулотда тўлиқ иштирок этишди: легионерлар ҳам, ўзимизнинг олйи лигада тўп тепаётган футболчилар ҳам. Машғулот пайтида ўйинчилар икки таркибга бўлинган ҳолда футбол ўйнашди ва бунда ҳисоб очилмади.
“Қизиллар”: Игнатий Нестеров, Виталий Денисов, Анзур Исмоилов, Шавкат Муллажонов, Шуҳрат Муҳаммадиев, Темур Кападзе, Одил Аҳмедов, Азиз Ҳайдаров, Санжар Турсунов, Сервер Жепаров, Фарҳод Тожиев.
“Сариқлар”: Никита Рибкин, Азамат Исроилов, Шерзод Файзиев, Бобур Йўлдошев, Салим Мустафоев, Дилшод Жўраев, Фозил Мусаев, Фаррух Сайфиев, Воҳид Шодиев, Наврўз Олимов, Шаҳзод Нурматов.
Машғулотлар эртага ва индин ҳам давом эттирилади. Душанба куни эса Янги Зеландияга қарши ўртоқлик учрашуви бўлиб ўтади. Ўйин “Пахтакор” стадионида соат 19:00да бошланади.
Х.Холиқов.
championat.asia
Месси МЛСда ой ўйинчиси деб топилди
Суперлига. "Пахтакор" "Машъал" устидан минимал ғалабага эришди
Конференциялар лигаси саралаши. "Истанбул Башакшеҳир" "Черно Море"ни қийинчиликсиз мағлуб қилди, Шомуродов захирадан майдонга тушди
"Барселона" "Сеул"ни "хоккейча" ҳисобда мағлуб этди
Фикрлар