Сурхондарёда мураббийлар касбий маҳоратини оширишга қаратилган семинар бошланди
28 май 2018 20:24
Янгиликлар

Сурхондарёда мураббийлар касбий маҳоратини оширишга қаратилган семинар бошланди

Ўзбекистон футбол ассоциацияси томонидан мураббийларнинг касбий маҳоратини ошириш мақсадида ўтказилаётган навбатдаги семинар бугун Сурхондарёда ташкил этилди.

Жорий йилнинг 30 май кунига қадар ўтказилиши мўлжалланган ушбу семинарда Сурхондарёлик ЎФА ва ОФК сертификатларига эга бўлган 78 нафар мураббий иштирок этмоқда.

Шунингдек, Наманган вилоятида ҳам ана шундай семинар ташкил этилгани ҳақида аввал хабар бериб ўтгандик. Ҳозирги кунда Намангандаги семинар ўзининг якуний босқичига етиб келган. 28 май куни мураббийлар амалий машғулотларни ўтказиш бўйича синов имтиҳонлари топширишди. 29 май куни эса мураббийларнинг салоҳияти ҳамда лаёқатини синаш амалиёти ташкил қилинади.

Аввалроқ мураббийлар касбий маҳоратини аниқлаш бўйича бундай семинарлар Андижон, Самарқанд, Фарғона ва Қашқадарё вилоятларида ўтказилганди. Бундай семинарлар бутун республикамиз бўйлаб ўтказилиши режалаштирилган.