Суперлиганинг энг кекса футболчиси билан суҳбат

Суперлиганинг 22-туридан ўрин олган  “Бунёдкор” ва АГМК жамоалари ўртасидаги учрашувдан аввал тажрибали ҳимоячи билан қатор мавзуларда суҳбатлашдик.

- Анвар ака сиз нафақат жамоадаги балки, Суперлигадаги энг ёши катта ва тажрибали футболчи саналасиз. Бу қадар узоқ муддат тўп тепишни сири нимада? 

- Сири? Менинг уйлашимча кўп нарсалардан иборат. Бу мураббийларнинг сизга нисбатан ишончи, шифокорларимизнинг ва массажистларимизнинг меҳнати, жамоадошларимнинг ва албатта оила аъзоларимнинг  ёрдами  боис  шу ёшимда ҳам майдонда тўп тепиб  келяпман.

- “Бунёдкор”ни яхши кунида ҳам, ёмон кунида ҳам ташлаб кетмадингиз. Очиғи сиздаги бу каби  инсонпарварлик фазилати  кўпчиликнинг ҳавасини келтиради. Ўтган мавсумдан сўнг жамоани нақд 15 футболчиси тарк этди, бироқ сиз жамоада қолдингиз. Бу каби фидойиликнинг сабаби нимада?

- Ростини айтганда бу клубнинг  яхши ва оғир  кунларида  бирга булганман ва кўп нарсаларни кўриб, ўзим учун янги нарсаларни кашф қилганман. Вақтида хориж жамоаларидан ҳам таклифлар қабул қилганман. Аммо, жамоага ёрдамим тегсин деб барини рад қилганман. Ўйлайманки бу жамоа ҳали узоқ йиллар мобайнида ажойиб ўйинлар кўрсатиб, мухлисларни ҳушнуд этади. Тўғри, ҳозир таркиб анча ёшарган, шундай бўлсада юқори ўринларни забт этишга тайёр.

- Сизнинг тенгқурларингиз мураббийлик фаолиятини йўлга қўймоқда. Бу борада олдинда режаларингиз борми?

- Худо хоҳласа, фаолиятимни якунлаганимдан сўнг мураббий сифатида иш бошлаш ниятим бор.

- Шу вақтгача кўплаб мураббийлар билан ишладингиз, уларнинг ҳар биридан ўзингиз учун керакли нимадир олгансиз. Шў ўринда устозларингиз ҳақида тўхталиб ўтсангиз...

- Ҳа. Уларнинг ҳар биридан келажак фаолиятим учун зарур нарсаларни олдим. Ўзлаштирганларим бир кун келиб менга фойда келтириши аниқ.

- Юқоридаги суратга изоҳингиз...

- Бу расм 2007 йилги Осиё кубогига тегишли. Адашмасам Малайзия билан учрашувдан олдин. Ҳар доим ўз вақтининг энг кучли футболчилари терма жамоа либосини кийган.

Абдулазиз суҳбатлашди.