Суперлига. Тур голи - Мўмин Мелиев
12 мар 2021 16:43
Янгиликлар

Суперлига. Тур голи - Мўмин Мелиев

Coca Cola Суперлигада 1-тур беллашувлари ўз ниҳоясига етди.

Аввалроқ 9-11 март кунлари бўлиб ўтган дастлабки тур рамзий терма жамоасини эълон қилган эдик. Энди эса кетма-кетликда тур лауреатларини бериб боряпмиз.

Суперлига. Тур дарвозабони - Ширинбой Абдуллаев

Ортда қолган 1-турнинг энг чиройли голи муаллифи деб "Қўқон-1912" жамоаси ҳужумчиси Мўмин Мелиев топилди. Суперлига дебютанти ҳисобланган "Турон"га қарши Яйпандаги ўйиннинг 39-дақиқасида Фарҳод Бекмуродовнинг пасидан кейин Мелиев тўпни аввалига ўнг оёғи билан ўзига тўғрилаб олди, кейин эса чап оёқда жарима майдончаси ташқарисидан кучли ва аниқ зарба йўллади. Гол водий дербисини безаб берди. Голда ҳаммаси идеал тарзда ижро этилди: пас, тўпни ўзига бўйсундириш ва зарба.

Шу тариқа, "Қўқон-1912"нинг мавсумдаги дастлабки голи муаллифи бўлган Мўмин Мелиев биринчи турнинг энг чиройли голи муаллифи деб топилди.

ВИДЕО, TAS-IX эмас