Суперлига. "Сўғдиёна"нинг "кумуш" сари йўли

"Сўғдиёна" 29 йиллик танаффусдан кейин медал ютганидан хабарингиз бор. Улуғбек Бақоев бу йўлда 21 нафар футболчининг хизматидан фойдаланди.

Дарвозабонлар: Ширинбой Абдуллаев, Милан Митрович
Ҳимоячилар: Эргаш Исмоилов, Лука Чермель, Асилжон Бегимқулов, Элёр Орифов, Марко Колакович, Шахбоз Жўрабеков, Сардор Қулматов
Ярим ҳимоячилар: Искандар Шойқулов, Аюбхон Нўмонов, Арсланмират Амонов, Жасур Ҳасанов, Жамшид Болтабоев, Дарко Станоевич, Муҳсин Бозоров, Даниел Насриддинов
Ҳужумчилар: Саҳоб Рашидов, Шоҳруз Норхонов, Жасур Ҳакимов, Баҳодир Насимов

Жиззах клубининг мудофаа чизиғи бу йил энг яхшиси бўлди. "Сўғдиёна" 26 учрашувда атиги 15 та гол ўтказиб юборди.

Жамоанинг муваффақиятида сербиялик Милан Митровичнинг ҳиссасини алоҳида таъкидлаш керак. У 19 учрашувда майдонга тушиб, ўз дарвозасидан фақат 8 та гол ўтказиб юборди (12 та "қуруқ" ўйин).

"Бўрилар" таркибидан майдонда энг кўп ҳаракатлангани Лука Чермель бўлди. 26 ёшли ҳимоячи 26 ўйинда 2 266 дақиқа ўйнади.  

Бу йилги "Сўғдиёна"нинг ҳужум чизиғини Шоҳруз Норхоновсиз тасаввур қилиб бўлмайди. Айнан унинг голлари жамоага 15 очко олиб берди. Шоҳруз 10 та гол билан жамоанинг энг яхши тўпурари бўлди.

Жасур Ҳасанов эса голли узатмалар борасида жамоада энг яхшиси — 4.

26 ўйиннинн 12 тасида ғалаба, 11 тасида дуранг қайд этган "Сўғдиёна" барчадан камроқ енгилди - 3.

Клуб тарихидаги илк кумуш медал бевосита Улуғбек Бақоевнинг номи билан боғлиқлигини алоҳида таъкидлаш керак. "Сўғдиёна" кўплаб ўйинларда айнан унинг характери эвазига муваффақият қозонди. Агар бунга шубҳангиз бўлса, "бўрилар" таркибига эътибор қаратинг: сўнгги йилларда терма жамоада мунтазам ўйнаб келаётган бирор футболчи борми? Йўқ. Ҳаттоки, миллий жамоа либосида расмий ўйин ўтказганлар ҳам саноқли. Демак, бухоролик мутахассис "қўлидаги масаллиқлардан ширин овқат тайёрлашни" уддалади.

Мақола: Суперлига. "Пахтакор" қандай чемпион бўлди?