UZ

Сўнгги янгиликлар

10:54Луис Диаснинг "Барселона"га ўтишига Исаак ёки Экитике сабабчи бўлиши мумкин  1 10:15Лёв ёки Билич келишига Кападзе нима дейди?  20 09:56Серхио Рамосдан "Реал"ни тарк этган Лукаc Васкесга самимий мактуб: "Сени соғинамиз, Пико"  0 09:29Тимур Кападзе: "Қуръа яхши ўтди, ҳаммасини вақт кўрсатади"  5 08:55"Бухоро" иккинчи даврада рақибларини Қаршида қабул қилади  10 08:30"Ўзбекистонда қолсам, "Бунёдкор"дан бошқа жамоага ўтмасдим" — Луис Качорри билан интервью  2 08:00Луис Энрике ПСЖда ортиқча футболчиларни захирага юборди — Асенсио, Солер ва Шкриньяр клуб изламоқда  0 07:28Кристиан Новак: "Мухлислар стадионда тасаввур қилиб бўлмайдиган даражадаги атмосферани яратишади ва биринчи ўйинимни сабрсизлик билан кутяпман"  2 01:45"Сабаҳ" ва Умарали Раҳмоналиев Европа лигаси саралашида муваффақиятсизликка учради  2 01:22"Галатасарой" Осимхенни сотиб олишга яқин турибди  2 00:54Кристиан Вьери: "Челси" АПЛ ғолиби бўлади"  5 00:31Шайхлар Винисиусни "нишонга олди" ва рекорд сумма тўлашга тайёр  14 00:13"Интер"нинг Лукман учун таклифи "Аталанта"га маъқул келмади  0 23:43"Бунёдкор" назорат ўйинида "Абдиш Ата" билан дуранг қайд этди  3 23:15"Истанбул Башакшеҳир" назорат ўйинида ғалаба қозонди, Элдор Шомуродовдан ассист  3

Суперлига. Биринчи давранинг 5 кашфиёти Янгиликлар

Суперлига. Биринчи давранинг 5 кашфиёти

Суперлига яшил майдонларини ёндирган ёш футболчилар ҳақида.

Аввалги мавсумда бўлгани каби футбол жамоатчилиги жорий йилда ҳам бир қатор янги номларга гувоҳ бўлишди. Мураббийлар томонидан билдирилган ишончни қайсидир маънода оқлашга ҳаракат қилишди. Ўз клубидаги ўйинлари билан терма жамоадан ҳам чорлов олганларни кўрдик. Қуйида шу ҳақида гап боради. 

1. Хондамир Мустафоқулов ("Сўғдиёна")

Иван Бошкович Жиззахда янги номларни кашф қилишда давом этмоқда. Ўтган йили у Самандар Мавлонқулов, Самандар Синдоров, Миржалол Абдумуталов каби футболчиларга асосий таркибда ишонч билдирган эди. Жорий мавсумда эса яна бир футболчи, 2003 йилда туғилган Хондамир Мустафоқулов "Сўғдиёна"да Суперлигада дебют қилди. Черногориялик мутахассис унга 10 та ўйинда имконият берди, Хондамир 13-турда "Динамо" дарвозасига дебют голини урди. Бу футболчидан ташқари Отабек Ахадовни ҳам айтиб ўтишимиз мумкин. Лекин Ахадов кўпроқ қизил карточкаси билан ёдда қолди. Умид қиламизки, у иккинчи даврада ўзини кўрсата олади. 

2. Ислом Маматказин ("Андижон")

Ислом Маматказин ўтган мавсумдан"Андижон" асосий таркибида кўриниш беришни бошлаганди. Жорий мавсумда эса у янада ёрқинроқ ўйин кўрсатмоқда, Хомяков унга кўпроқ имконият тақдим қиляпти. Ҳимоячи бўлишига қарамасдан 11 та ўйинда майдонга тушди ва рақиблар дарвозасига 3 бор йўл топди. Унинг голлари "Насаф", "Локомотив", "Бунёдкор" билан учрашувларда муҳим очколарни қўлга киритилишида ёрдам берди. Айрим паллаларда қизил карточка олиб жамоасини қийин аҳволга солиб қўйганини ҳисобга олмаса ўзидан ёмон таассурот қолдирмади дея оламиз. Маматказиндан иккинчи даврада янада яхшироқ кўрсаткичлар кутиб қоламиз. 

3. Абдуллоҳ Йўлдошев ("Локомотив")

"Локомотив" таркибида биринчи даврада битта эмас, бир нечта ёш тўп тепарлар ҳаракат қилди. Улар орасида Абдуллоҳ Йўлдошев нисбатан ажралиб турди дейишимиз мумкин. 2003 йилда таваллуд топган Йўлдошев биринчи даврадаги барча 13 та ўйинда майдонга тушди ва шуларнинг 10 тасида бошланғич таркибдан жой олди. Курашга қўшилишдан қўрқмаслиги, керакли паллада олдинга ўтиб ҳам ёрдам бериши ва юқори темпда ҳаракат қила олиши унинг устун томони ҳисобланади. Абдуллоҳ бу йил Суперлигада дебют қилди ва жамоасининг муҳим бўлагига айланди. 

4. Муҳаммадали Усмонов ("Пахтакор")

Катта номлар ва легионерлардан секин-аста воз кечаётган "Пахтакор" кўпроқ урғуни ўз тарбияланувчиларига қаратаётгани барчага маълум. Мавсум бошидаги бир нечта омадсиз натижалар фонида яхши томони ёшлар ўзини кўрсатишни бошлаб юборди. Муҳаммадали Усмонов ҳам бошқа жамоадошлари сингари Шацких томонидан имкониятга эга бўлди. 2023 йил Суперлигада дебют қилган Усмонов бу мавсум биринчи даврада 11 та баҳсда тўп тепди ва 2 та гол урди. 20 ёшли ярим ҳимоячи "Олимпик"ка ғалаба голини урган бўлса, яна битта тўпни меҳмонда "Андижон" дарвозасига киритди. 

5. Рустам Турдимуродов ("Андижон")

Александр Хомяков матбуот анжуманларида ҳужумдаги муаммолар ҳақида бонг ураётган паллада июнь ойида катта саҳнага Рустам Турдимуродов кириб келди. Мавсум аввалида захирада қолаётган ҳужумчига Хомяков сўнгги 4 та ўйинда тўлиқ ишонч билдирди ва бу қарор ўзини оқлади. Турдимуродов бу ўйинларда "Қизилқум" дарвозасига 2 та, "Навбаҳор"га 1 та гол урди. Айнан наманганликларнинг мағлуб бўлиши ортидан Самвел Бабаян истеъфосини эълон қилди. Турдимуродов иккинчи даврани ҳам "Андижон"да ўтказади. Бундан келиб чиқиб айтганда ўзини кўрсатиши учун яна имконият бўлади. 

Муаллиф : Iskandarov Abdulaziz
Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика