Суперлига. 8-тур лауреатлари

Championat.asia тур баҳслари асосида тур лауреатларини аниқлади.

"Навбаҳор" бу турда Самарқандда "Динамо" меҳмони бўлди ва 1:0 ҳисобида ғалаба қозонди. Наманганликлар посбони шу куни яхши ўйнади ва рақибларнинг бир қатор зарбаларини қайтаришга эришди. "Навбаҳор" посбони Ўткир Юсупов championat.asia сайти талқинига кўра 8-турнинг энг яхши дарвозабони деб топилди.

"Сурхон" бу тур Тошкентда "Пахтакор" меҳмони бўлиб, 2:2 ҳисобида дуранг ўйнади. Анхель Лопес жамоаси амалдаги чемпион майдонидан дуранг билан қайтди. Championat.asia сайти талқинига кўра, 8-турнинг энг яхши мураббийи Анхель Лопес бўлди.

Бу турда "Локомотив" ҳимоячиси Хуршидбек Мухторов "Қўқон-1912" билан баҳсда чиройли гол урди ва тур голи муаллифига айланди. ВИДЕОНИ КЎРИШ

"Насаф" ярим ҳимоячиси Ойбек Бозоров "Сўғдиёна"га қарши баҳсда жуда фаол ўйнади ва иккита гол урди. Шу тариқа, Ойбек Бозоров championat.asia талқинига кўра 8-турнинг энг яхши футболчиси деб топилди.