Стефан Чолович: "Совринга эга чиқиш – ҳар доим ёқимли"

"Жуда қийин ва осон бўлмаган учрашувни ўтказдик. Совринга эга чиқиш – ҳар доим ёқимли. Биз яхши ўйин намойиш этдик деб ўйлайман. Албатта, ўйиннинг бошланиши ва охирида рақибга устунликни бериб қўйдик, лекин кейинчалик ҳисобда олдинга чиқишга муваффақ бўлдик.

"Андижон"нинг қандай ўйнаши бизнинг учун янгилик эмас эди. Уларга қарши ўйин қийин кечишини билардик. Жуда яхши қаршилик кўрсатишди, майдонда фаол ҳаракат қилишди, кичик паслар билан ўйнашди. Улар ҳимояда деярли бўш зона қолдиришмади.

Шу сабабли ғалаба янада қадрлироқ. Мен хурсандман, бу Ўзбекистонга келганимдан буён иккинчи совриним.

Ҳа, ўйинда ёмғирли ҳаво ҳукм сурди. Бу эса пасли комбинацион ўйин намойиш этувчи жамоалар учун муайян мураккаблик туғдиради. Шунга қарамасдан, ҳар икки жамоа ҳам иштиёқ билан, катта завқ билан тўп тепди", – дейди Стефан Чолович.

Абдулазиз Искандаров суҳбатлашди