Сречко Катанец: "Терма жамоада нималар қилганимизни ва қандай ютуқларга эришганимизни билишингиз керак"
22 янв 16:31
Янгиликлар

Сречко Катанец: "Терма жамоада нималар қилганимизни ва қандай ютуқларга эришганимизни билишингиз керак"

Теглар : Ўзбекистон миллий терма жамоаси Сречко Катанец

Бироз аввал Сречко Катанец Ўзбекистон миллий терма жамоаси бошқарувини тарк этгани эълон қилинди.

Ўзбекистон миллий терма жамоаси бош мураббийи Сречко Катанец соғлиғи билан боғлиқ муаммолар сабабли Ўзбекистон футбол ассоциацияси билан тузилган шартномани ўзаро розилик билан бекор қилишга қарор қилди. Ушбу хабарлардан сўнг сайтимиз журналисти Абдулвосит Бектемиров словениялик мутахассис билан боғланди.

- Салом, жаноб Сречко. Безовта қилганим учун узр, лекин ушбу дамларда сизга куч ва матонат тилайман. Ишонаманки, сиз бу қийинчиликни муваффақиятли енгиб ўтасиз. Сиз билан ишлаш анча қизиқарли бўлди. Терма жамоамиз ўйинлари орқали ўзбек халқини хурсанд қилиш учун чин дилдан меҳнат қилганингизни қадрлайман.

Ишончим комилки, биз мундиалга йўл оламиз ва сиз Ўзбекистон терма жамоасининг Жаҳон чемпионатидаги дебют учрашувини трибунадан кузатасиз.

Ўзбекистон терма жамоасидаги фаолиятингиз ҳақида бир нечта саволларим бор эди. Ушбу саволларга жавоб бера оласизми?

- Салом. Барча тилакларингиз учун раҳмат. Саволларга келсак, биз нималарга эришганимиз ва ундаги менинг тутган ўрним ҳақида гапиришим шарт эмас. Сиз терма жамоада нималар қилганимизни ва қандай ютуқларга эришганимизни билишингиз керак. Мен шунчаки Ўзбекистондаги барча инсонларга салом йўллайман, мен учун терма жамоа мураббийи бўлиш катта шараф ва бахт эди. Барчага омад ва яхшилик.

Breaking! Сречко Катанец Ўзбекистон МТЖни тарк этди

Муаллиф : Абдулвосит Бектемиров

Ҳавола :

Манба : championat.asia

Янгиликларни Телеграмда ўқинг!

Рейтинг: +18