Сречко Катанец: "КХДР билан фарқимиз биз ҳеч қандай ўртоқлик учрашувларисиз тайёрландик"
04 сен 12:16
Янгиликлар

Сречко Катанец: "КХДР билан фарқимиз биз ҳеч қандай ўртоқлик учрашувларисиз тайёрландик"

ЖЧ-2026 3-саралаш босқичи доирасида бўлиб ўтадиган Ўзбекистон - КХДР учрашувидан аввал матбуот анжумани ташкил этилди.

Унинг иккинчи қисмида терма жамоамиз устози Сречко Катанец ҳамда сардоримиз Элдор Шомуродов қатнашди. Қуйида Катанецнинг қисқа фикрларини эътиборингизга ҳавола этамиз. Анжуманнинг тўлиқ қисми эса бироздан сўнг чоп этилади.

"КХДР билан фарқимиз биз ҳеч қандай ўртоқлик учрашувларисиз, йиғинсиз тайёрландик. Лекин биз бу ҳолатга ўрганиб кетганмиз. 3-4 йилдан бери футболчилар бирга ўйнаб келяпти. Бир-бирини яхши тушунади. Ҳамма футболчиларнинг ҳам жисмоний ҳолати бир хил эмас. Бир нарсани сизлардан сўрамоқчиман. Хоҳиш ва мотивациянинг ошиб кетиши ҳам яхши оқибатларга олиб келмайди. Нима учун аввал мундиалга чиқмаганмиз деб ўзимизга савол беришимиз керак. Бу босқичда ҳамма рақиблар кучли. КХДР ҳам бекорга бу босқичга етиб келмаган".