"Тамбов"- "Спартак". Москва клуби тарихий ғалабага эришадими? Превью
26 сен 2020 11:35
Янгиликлар

"Тамбов"- "Спартак". Москва клуби тарихий ғалабага эришадими? Превью

Бугун Россия премьер-лигасининг 9-тури старт олади.

Остон Ўрунов ўйнаётган Москванинг "Спартак" клуби Саранск шаҳрида "Тамбов" клуби меҳмони бўлади.

"Тамбов" охирги 3та ўйинда фақат бир марта мағлуб бўлди - 2та дуранг ва 1та мағлубият. "Спартак" эса сўнгги бешта турда 4та ғалаба ва 1та мағлубият қайд этди.

Эътиборлиси ўзаро ўйинлардаги статистика "Тамбов"нинг тўлиқ устунлигини кўрсатмоқда. Бу жамоалар Россия чемпионати доирасида ўтган мавсум тўқнаш келишган холос. Қизиғи иккала ўйинда ҳам "Спартак" сенсацион тарзда мағлубиятга учраган. Бугун Доменико Тедеско бошчилигидаги жамоа ўз тарихида илк бор "Тамбов"ни мағлуб этиши кутилмоқда. Сабаби чемпионлик учун курашаётган "Спартак" бундай жамоаларни ютиши шарт.

Ўзбекистонлик Остон Ўрунов Россия кубоги доирасида "Родина" клубига қарши баҳсда тўлиқ ўйнади ва янги клуби сафидаги дебют голини уришга эришди. Бугунги баҳсда Ўрунов захирадан тушиши кутилмоқда.

"Тамбов" - "Спартак"
26 сентябрь. Саранск. "Мордовия Арена" стадиони. 16:00.
Бош ҳакам - Игорь Панин (Дмитров).
Трансляция - "Матч-Премьер".

Тахминий таркиблар:
"Тамбов": Рижиков, Рибин, Таказов, Грицаенко, Каплиенко, Шляков, Карасев, Тетрашвили, Чуперка, Панченко, Обухов.

"Спартак": Максименко, Зобнин, Гапонов, Кутепов, Жикия, Лукас, Крал, Умяров, Бакаев, Ларссон, Соболев.

Йўқотишлар: йўқ - Маслов (дисквалификация), Ташаев (жароҳат) ва Глушенков (жароҳат).