Сўнгги уч ўйинида 35 та карточка кўрсатган Матеу Лаос мавсум якунида фаолиятини тугатади

Испаниялик тажрибали ҳакам Матеу Лаос фаолиятини тез орада якунлайди. 

Журналист Гастон Эдулнинг маълум қилишича, ҳакам ушбу мавсум охирида ўз фаолиятини якунлайди. 

45 ёшли ҳакамнинг охирги ўйинлари баҳсларга сабаб бўлганди. Ҳакам охирги уч ўйинида 31 та сариқ 4 та қизил карточка кўрсатди. Жаҳон чемпионати 1/4 финалидан ўрин олган Нидерландия ва Аргентина ўртасидаги ўйиндан сўнг ҳакам мусобақани тугатганди. Ўша ўйинда икки жамоа ҳам ҳакамга нисбатан норозиликлар билдиришганди. 

Аввалроқ, Лаос Ла Лига 16-турида бирорта ўйинга тайинланмаганлиги маълум бўлганди.