"Сўғдиёна"нинг ёзги "қайноқ" трансферлари давом этади: Яна бир "Насаф" футболчиси нишонда!

"Сўғдиёна" ўз сафини "Насаф"нинг ўнг қанот ҳимоячиси Славко Лукич билан кучайтиришни мақсад қилган. Айни пайтда клуб ва футболчи ўртасида музокаралар давом этмоқда.

Бундан аввалроқ "Сўғдиёна" "Насаф" билан битимни бекор қилган Санжар Рашидовни ортга қайтаришганди. Кейинчалик "Насаф" лагерини тарк этган Жасур Ҳасанов билан оғзаки келишувга эришишгани ҳақида хабар бергандик.

Эндиликда "Сўғдиёна" "Насаф"нинг легионерлари, хусусан Славко Лукич, Игорь Голбан ва Драган Черанга қизиқиш билдиришмоқда.

Лушан ўз жамоасида Славко Лукични кўришни истамоқда. Биз бу борада Лукич билан боғланганимизда, сербиялик футболчи "Сўғдиёна" томонидан қизиқиш бўлаётганини тасдиқлади. Аммо ҳозирча якуний қарор қабул қилинмаган.

Кўп нарса "Насаф"нинг эртага бўладиган Ўзбекистон кубоги доирасидаги АГМКга қарши ўйинидан кейин маълум бўлади.

"Сўғдиёна", "Навбаҳор" ва "Пахтакор" "Насаф" етакчисини сотиб олмоқчи

Transfer-market: Драган Черан "Сўғдиёна"ни танлайдими ёки "Пахтакор"?

Эшитдик-да! Жасур Ҳасанов "Насаф"ни тарк этди

"Сўғдиёна" ёзги "қайноқ" трансферларни бошлади: "Насаф" футболчиси билан келишувга эришилди