"Сўғдиёна": ОАВ вакиллари диққатига
04 фев 2017 14:25
Янгиликлар

"Сўғдиёна": ОАВ вакиллари диққатига

Жиззахнинг "Сўғдиёна" клуби Ўзбекистон чемпионати ва Ўзбекистон кубоги ўйинлари учун аккредитация жараёнини бошлангани ҳақида эълон қилади.

"Сўғдиёна"иштирокидаги ўйинларни стадиондан туриб ёритишни истаган ОАВ ҳодимлари 2017 йилнинг 6-22 февраль саналари оралиғида аккредитация учун зарур бўлган ҳужжатларни клуб матбуот хизмати электрон почтаси (jfcsogdiana@gmail.com ёки dora_sh@mail.ru)га жўнатишлари керак бўлади.

ОАВ вакиллари аккредитациядан ўтишлари учун тахририят ёки телевидение расмий бланкида бош муҳаррир томонидан имзо чекилган ва муҳр билан тасдиқланган расмий хат юборишлари лозим бўлади. Расмий хатда ОАВнинг тўлиқ номи ва йўналиши, гувоҳнома рақами ҳамда иш жойининг боғланиш учун тел рақами кўрсатилиши керак. Шу билан бирга, илова тарзида 3х4 ўлчамдаги фотосурат ва аккредитациядан ўтаётган журналистнинг паспорт нусхаси (электрон шаклда) жўнатилиши лозим бўлади.

"Сўғдиёна" матбуоти хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +6