Шуҳрат Қурбонов: "Рақиб дарвозасига гол ура олмаяпмиз"
12 апр 2024 23:10
Янгиликлар
Шуҳрат Қурбонов: "Рақиб дарвозасига гол ура олмаяпмиз"
Ўйин ҳақида
- Албатта, ўйинда маҳорат ва тажриба ўз сўзини айтди. Фарғоналик мухлисларни ва "Нефтчи"ни ғалаба билан табриклайман. Бугун Суперлигаганинг топ клубларидан бирига қарши ўйнадик. Йигитлар кучли рақибга нисбатан ёмон ўйнашмади.
- "Дўстлик"нинг натижалари Про-лигада ҳам яхши эмас. Жамоага нима етишмаяпти?
- Про-лигада ҳам бугунги каби ёмон ўйнамаяпмиз. Рақиблар биздан яққол устунлик билан ғалабага эришишмаяпти. Биз ҳозир гол ура олмаяпмиз. Бунинг устида ҳам ишлаяпмиз.
- "Дўстлик"нинг мақсадлари қандай?
- Бу йил Про-лига жадвалининг ўрта қисмида мавсумни тугатиш вазифамиз бор. Шунингдек, жамоада ёш футболчиларни тарбиялаб, уларга кўпроқ ўйин амалиёти бериш орқали келгусида ўзбек футболига етук футболчиларни етказиб беришни мақсад қилганмиз.
- Биринчи голда дарвозабонни айблайсизми?
- Йўқ, у тўпни қайтариш учун қўлидан келганича ҳаракат қилди. Қодирқулов зарбани мукаммал ижро этди, қайтариш қийин эди.
- "Истиқлол" стадиони ҳолати ҳақида фикрингиз?
- Барчаси ажойиб эди. Ҳақиқий футбол муҳити. Бизга ёқди, бугун футбол ўйнаб маза қилдик.
Ўхшаш янгиликлар
championat.asia
Суперлига. Чемпионлик учун курашаётган "Насаф" ўз майдонида "Машъал"га мағлуб бўлди
Суперлига. "Бухоро" ўз уйида бир киши кам "Нефтчи"дан очко тортиб олди
ЖЧ U-17. Ўзбекистон Ирландияга имкониятни бой берди
Эшитдик-да! Кападзе Ўзбекистон терма жамоасидан кетди
Фикрлар