Шуберт "Боруссия"нинг янги бош мураббийи

Мёнхенгладбахликларнинг янги бош мураббйи Андре Шуберт бўлди. У клубда вақтинчалик мураббий вазифасини эгаллаб турган эди ва энди у 2017 йилгача жамоани бошқариши мумкин.

"Шуберт саккиз ҳафта давомида жуда яхши ишлади ва жамоа билан муҳим вазифаларни бажарди. Сўнгги кунларда у билан мураббийлик борасида муҳокама қилдик ва жамоа яхши қўлларда эканига ишонаман. Кейин эса унга бош мураббийликни таклиф қилишга қарор қилдик" - дейди "Боруссия" спорт директори Макс Эберль.

"Боруссия" Бундеслиганинг илк беш учрашувида мағлуб бўлганидан сўнг Шуберт жамоани бошқара бошлади. "Боруссия" Шуберт қўл остида миллий чемпионатнинг 7та учрашувида 6та ғалабага эришди.