Шохжаҳон Аббосов: "Зомин" жамоаси ўз олдига жиддий мақсадларни қўйган"

Авваламбор, футбол учрашувларида стадионга келиб бизни қўллаб-қувватлаб турган жамоамиз мухлисларига миннатдорчилик билдираман. Футболга кириб келишимда мураббийларим Нодир ака Халилов, Жамшид ака Ботировларни ҳиссаси катта бўлган.

Дастлаб "Машъал" футбол клуби академиясида таҳсил олганман. "Зомин" жамоасига келиб қўшилишимдан аввал "Машъал", "Навбаҳор" ва "Цементчи" жамоаларида ўйнаганман. Айни дамда "Зомин" жамоаси ўз олдига жиддий мақсадларни қўймоқда, клуб инфратузилмасига алоҳида эътибор қаратилган, хусусан стадион ва базалар тубдан янгиланмоқда.

Насиб қилса жорий мавсум якунида А ПРО-Лига йўлланмасини қўлга киритишни, келажакда Суперлигага чиқишни мақсад қилганмиз. Албатта ҳар бир футболчи орзу қилгани каби, мен ҳам миллий терма жамоамиз сафида майдонга тушишни ўз олдимга вазифа сифатида қўйганман - дейди Шохжаҳон Аббосов.

Маълумот учун, Шохжаҳон Аббосов жорий мавсумда "Зомин" сафида 10та учрашувда майдонга тушиб, рақиблари дарвозасига 11та гол урди.

Бекзод Толибов ёзиб олди