“Шўртан” бугундан ўз қароргоҳида йиғилади
21 дек 2015 13:19
Янгиликлар
“Шўртан” бугундан ўз қароргоҳида йиғилади
"Шўртан” футболчилари бугундан ўз қароргоҳида йиғилади. Таътилдан сўнг ўтказиладиган тикланиш машғулотларига клуб раҳбариятининг қарорига кўра, вақтинчалик Зоир Тўрақулов билан Эркин Мирзаев бошчилик қиладиган бўлди.
Мазкур бир ҳафталик йиғинга асосий таркибнинг муҳим аъзоларидан бўлган – Элдор Тожибоев, Ботир Қораев ва Игорь Таран каби футболчиларнинг ҳам етиб келиши кўзда тутилган. Таркибдаги ўзгаришларга борасида ҳозирча аниқ маълумот йўқ. Деярли барча футболчининг шу йилнинг якунига қадар амалда шартномаси бор.
Бош мураббий Мухтор Қурбоновнинг клубда қолиш-қолмаслиги ҳамон мавҳумлигача турибди. Ушбу масала ҳам жамоанинг январь ойида бошланадиган йиғинида ойдинлашиши кутилмоқда.
Клуб раҳбариятининг қарорига кўра, келаси йил асосий эътибор воҳалик футболчиларга қаратилади. Бу билан “Шўртан” ҳам асосан қашқадарёлик ўйинчиларни таркибга жалб этади дейиш ҳам нотўғри. Чунки мураббийлар олдига таркибнинг ўзагини кўпроқ воҳалик футболчилардан тузиш вазифаси қўйилмоқда. Шунингдек ғузорликлар келгуси мавсум совринли ўринлар учун курашишни ҳам мақсад қилган.
“Шўртан” ПФК матбуот хизмати
Ўхшаш янгиликлар
championat.asia
Ла Лига. "Барселона" меҳмонда "Реал Сосьедад"га мағлуб бўлди
Нани: "Роналдунинг 1000 та гол уриши осон. У бунинг учун керак бўлса энг кучсиз лигага кетади. Унга ҳужжатлаштирилган 1000 та гол керак - Пеле ва Ромарио каби урилган эмас”
ЕЧЛ. "Будё Глимт" ўз уйида "Манчестер Сити"ни ишончли тарзда мағлубиятга учратди. Ҳусанов тўлиқ ўйнади
Равшан Ҳайдаров: "Ўйин бўйича ҳеч қандай уяладиган жойимиз йўқ"
Фикрлар