Шерзод Темиров "Атлетико Мадрид"га қарши ўйиндан сўнг нималар деди?

Мазкур клуб сафида ҳамюртимиз Шерзод Темиров тўп тепмоқда, у кеча ўйинда жамоасининг ягона голига муаллифлик қилди. Баҳсдан сўнг эса футболчимизнинг фикрлари билан қизиқдик. 

Ўзбекистонлик футболчи ўртоқлик ўйинида "Атлетико Мадрид" дарвозасига гол урди

- Бу учрашувни барча анча вақтдан бери кутаётганди. Жамоамиз ҳам шунга яраша тайёргарлик кўрди, Таиландда 20 кунлик ўқув-машғулотини олиб бордик, 5 кун олдин Хитойга қайтиб келдик. Сизга айтсам, "Атлетико Мадрид" билан учрашув катта таассуротлар билан ёдда қолди. Аллоҳга шукур, ҳиссиётлар ўзгача. Нафақат Испаниянинг балки Европанинг номдор жамоаси билан ўйнаш катта тажриба берди деб ўйлайман. Бу футболда жуда муҳим омиллардан бири ҳисобланади. Тўғри, катта ҳисобда ютқаздик. Лекин рақиб оддий жамоа эмасди. Бизни яқиндан қўллаб-қувватлаган мухлисларимизга раҳмат айтиб қоламан. 

- Юлдузлари бор жамоа доим юқори ўринлар учун курашади. Кўрганингиздек, ўйин жуда қизиқ ўтди. "Атлетико Мадрид" ҳавас қилишга арзийдиган клуб. Уларга қарши тўп тепиш маҳоратни янада оширишга хизмат қилади. Тактик ишланмалари юқори даражада эканлиги кўриниб турибди. Мен асосан ҳужум чизиғида ҳаракат қиладиган футболчиларни кўпроқ кузатаман. Ушбу ўйинда ўзимга керакли деталларни кўриб олдим. Улардан ўрганадиган кўп нарсаларимиз бор. 

- Голимга келсак, нима дейишни ҳам билмайман. Очиғи ўзим кутмагандим. Лекин ният бор эди. Яхши ният, меҳнат, сабр ҳар доим катта роль ўйнашини исботи бўлди дея оламан. Голни қандай таърифлашни ашаддий футбол мухлисларига қолдираман. Уларнинг ишончи бизга катта куч беради. 

- Беллашувдан сўнг барча футболчилар, мураббийлар билан кўришдик. Дўстона хайрлашдик, футболка алмашиш ҳам эсдан чиққани йўқ. 

Абдулазиз Искандаров ёзиб олди