Шерзод Сатторов: "Ғиждувон" хусусий жамоа"
07 апр 2016 10:22
Янгиликлар

Шерзод Сатторов: "Ғиждувон" хусусий жамоа"

Биринчи лига иштирокчиси "Ғиждувон" кеча 2-турдан ўрин олган "Косонсой"га қарши баҳсда ғалаба қозонди.

Учрашувдан сўнг жамоа бош мураббийи Шерзод Сатторов ўз фикрларини билдириб ўтди.

- "Косонсой"га қарши баҳсдан кўнглим тўлмади. Лекин муҳими уч очкони қўлга киритдик. Биринчи ўринда барибир натижа туради. Йигитлардан янада мазмунлироқ ўйин кутгандим, очиғи.

- Рақиб жамоа хусусида фикрим ижобий. Косонсойликлар ўтган йилгига нисбатан жорий мавсум бироз кучлироқдек таассурот қолдирди. Уларнинг келгуси учрашувларида омад тилайман.

- Чемпионатнинг илк турида "Хотира-79" билан рўрбарў келиб, дуранг қайд этгандик. Албатта икки очко йўқотилгани алам қилди. Ғалаба қозона олмаганимизнинг боиси таркибда ўзига яраша йўқотишлар мавжуд бўлиб, уч нафар етакчи футболчимиз дисквалификация туфайли жамоага ёрдам бера олмади. Бу ўз таъсирини ўтказмасдан қолмади.

- Биласизми жамоамизнинг бош ҳомийси тумандаги тадбиркор инсон - Маъмур ака Отақуловдир. Айнан у кишининг сайи харакатлари эвазига жамоа чемпионатда иштирок этмоқда. Бизда бошқа ҳеч қандай ҳомий ташкилот йўқ.

- "Ғиждувон" таркибини асосан маҳаллий ёшлар ташкил этмоқда. Азиз Абдуллаев ва Мансур Отақуловдан ташқари қолган футболчилар ёшлардир. Мақсадимиз энг камида 10-ўринни эгаллаш.

Ҳавола :

Манба : championat.asia

Янгиликларни Телеграмда ўқинг!

Рейтинг: +2