"Шахтёр" бош директори: "Манчестер Сити" билан тўйимизни қилишмоқчи шекилли"
01 сен 2019 13:13
Янгиликлар

"Шахтёр" бош директори: "Манчестер Сити" билан тўйимизни қилишмоқчи шекилли"

"Шахтёр" клуби бош директори Сергей Палкин ЕЧЛ қуръаси ҳақида гапирди.

Украина жамоасига гуруҳ босқичида "Манчестер Сити", "Аталанта" ва Загребнинг "Динамо"си рақиблик қилади. Қайд этиш керак, "Шахтёр" кетма-кет учинчи мавсумдирки, "шаҳарликлар" билан бир гуруҳдан ўрин олишди.

Ўтган мавсумда икки ўйин ҳисобига кўра, "Сити" ушбу рақибига 9 гол (0:3, 0:6) киритган бўлса, 2017/18 йилги мавсумда томонлар биттадан ғалабага эришишган, 1:2 ва 2:0.

"Манчестер Сити" спорт директори билан учрашдим. Мен Англиядан, у эса Украинадан биттадан уй сотиб олишимизни келишиб олдик. Менимча, УЕФА ушбу клубларнинг тўйини қилмоқчи шекилли.
Қуръага қадар кўплаб мақолаларни ўқиб чиқдим. "Шахтёр" мухлислари фақатгина "Манчестер Сити" билан бир гуруҳдан ўрин олмаслигимизни истаётганини кўп бора ёзишаётганди. Тўғрисини айтсам, шундай бўлади деб ўйламагандим. Назарий жиҳатдан олиб қараганда бунинг амалга ошиш эҳтимоли жуда паст эди", - деди Палкин.

Ҳавола :

Манба : Express

Янгиликларни Телеграмда ўқинг!

Рейтинг: +28