Шавкат Саломов: "Сурхон"да тенг кучли 22 футболчи йўқ"
22 апр 2019 10:30
Янгиликлар

Шавкат Саломов: "Сурхон"да тенг кучли 22 футболчи йўқ"

Суперлига 5-тури доирасидаги “Навбаҳор” – “Сурхон” (3:0) жамоалари ўртасидаги учрашувдан сўнг термизликлар етакчиси Шавкат Саломовнинг ўз фикрларини билдирди:

"Аввало Наманган аҳли ва “Навбаҳор” жамоасини бугунги ғалаба билан табриклайман. Наманганликлар мазкур баҳсда ҳаққоний тарзда зафар қучишди. Энди кейинги ўйинга тайёргарлик кўрамиз.

Мана бешинчи баҳсдирки, жамоамиз битта таркиб билан ўйнамоқда. Албатта, бу натижаларга ҳам ўз таъсирини кўрсатади. Хабарингиз бор, “Сурхон” клуби кутилмаганда Суперлига иштирокчисига айланди. Шу боис, жамоамиз сафида тенг кучга эга бўлган 22 нафар футболчи йўқ ва жамоадошларимда чарчоқ аломатлари сезилмоқда. Бундан ташқари, йигитлар жисмоний жиҳатдан ҳам устун эмаслар. Таркибимиздан асосан ёш футболчилар ўрин олишган.

Айрим сабабларга кўра, асосий таркибнинг 4 нафар футболчиси ҳам бугун майдонга туша олмади. “Навбаҳор” эса ушбу таркиби билан анча йиғин ўтказди ва жамоада ўйин амалиёти шаклланган.

Худо хоҳласа, жамоамиз кейинги учрашувларда ижобий натижа қайд этади, деган умиддаман", - дейди Саломов.

"Сурхон" ПФК матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: -22