Шаҳзодбек Нурматов: "Йиғинимиз кўнгилдагидек ўтмоқда"

Кеча клуб Россиянинг "Сибирь" клубига қарши назорат учрашувини ўтказди. Ушбу учрашувдан сўнг жамоа ҳужумчиси Шаҳзодбек Нурматов "CА" сайтига ўз фикрларини билдириб ўтди.

"Анталиядаги йиғинимиз кўнгилдагидек ўтмоқда. Ҳаммаси жойида ва кунига икки маҳалдан машғулотлар бўлмоқда. Хориж йиғини ҳар бир футболчига катта самара беради. Бу ерда футболчилар учун барча шароит яратилган. Ҳозирга келиб жамоамиз сафида ўзгариш бўлмаган ва барчамиз биргаликга тайёргарликни ажойиб тарзда олиб бормоқдамиз. Россия клуби билан бўлган учрашувда фақатгина яратилган вазиятлардан фойдалана олмаганимиз ёмон бўлди. Йирик ҳисобда ғалаба қозонишга имкониятимиз етар эди. Негадир биринчи учрашув бўлгани боис ўйинимиз унчалик ўхшамади. Ўйлайманки ушбу йиғин самарасини чемпионатда кўрамиз." , - дейди Шаҳзодбек Нурматов