Шаҳбоз Беғамов канали - Бугун "Бавария"да нималар руй бериши мумкинлигига тўхталди

Режа бўйича, матбуот анжуманида бош мураббийи Нико Ковач, "Бавария" кенгаши раиси Румменигге, спорт директори Хасан Салихамиджич ва клуб президенти Ули Хёнесс чиқиш қилади.

Франция ва немис матбуоти бугун "Бавария"да мураббий ўзгариши, яьни Ковач истеъфоси ва Арсен Венгер тайинлови амалга ошишини тахмин қилмоқда.

Яна бир вариант сифатида, бу матбуот анжуманида "Бавария" клубининг "Audi" билан ўртадаги ҳамкорлиги тугатилгани ва эндиликда "BMW" билан келишувга эришилгани эълон қилиниши мумкинлиги айтилмоқда.

Яна бир вариант шуки, Ковач истеъфоси қишда амалга оширилиб, январдан "Бавария" бошқаруви Арсен Венгер қўлига ўтиши мумкин. Бу ҳақда айнан бугун ҳам маълум қилиниши эҳтимоли йўқ эмас.

"Бавария" одатда немис тилини биладиган мураббийларни жамоага олиб келади. Бунга кадар 6 ой аввал жамоани бошқариши эълон қилинган Гвардиола ва Анчелотти бу вақт ичида немис тилини ўрганганди. Арсен Венгер эса немис тилини билади. Шунингдек, Венгер жамоани ёшартириш бўйича ҳам яхши мутахассис саналади. "Бавария"да эса авлодлар алмашувини амалга ошириш анча узоққа чўзилиб кетмоқда. "Бавария" қўйидаги жиҳатларни инобатга олган ҳолда айнан Венгер номзодига тўхталган бўлиши мумкин!

P.S. Ҳазил, аммо чин. "Бавария"нинг ғалабасиз серияси 4 ўйинга етгани муносабати билан ҳам Арсен Венгерга мурожаат қилинган бўлса не ажаб :-) - деб ёзади Шаҳбоз Беғамов ўзининг телеграмдаги каналида.