Манба маълумотларига кўра, 76 ёшли франциялик мутахассиснинг номзодини қўйиш ғояси рад этилган. Аввалроқ ташкилотнинг амалдаги президенти Жанни Инфантинонинг мухолифлари Венгерни эҳтимолий номзодлардан бири сифатида кўриб чиқишганди.
Венгердан ташқари, УЕФА президенти Александер Чеферин, КОНКАКАФ раҳбари Виктор Монтальяни ва ОФК президенти Салмон бин Иброҳим Ал Ҳалифа ҳам ФИФА президентлиги учун курашдан бош тортган. Айни пайтда ўз ниятини расман билдирган ягона номзод Швейцария миллий терма жамоасининг собиқ ҳимоячиси Рамон Вега бўлиб турибди.
ФИФА президенти сайлови 2027 йил 18 март куни Работдаги конгрессда бўлиб ўтади, номзодлардан аризалар эса 2026 йил 18 ноябргача қабул қилинади.
Венгер 2019 йилдан бери ФИФАнинг глобал футболни ривожлантириш бўлими раҳбари лавозимида фаолият юритмоқда. У 1996 йилдан 2018 йилгача Лондоннинг "Арсенал" жамоаси бош мураббийи бўлган ва жамоани уч марта Англия чемпиони қилган.
