UZ

Сўнгги янгиликлар

23:37БАА футбол федерацияси ёшини сохталаштирган 18 нафар мисрлик футболчини депортация қилди  0 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  14 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  0 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  1 19:50Улуғбек Бақоев: "Футболда шунақаси ҳам бўлиб туради"  14 19:33Кварацхелия "Наполи"дан кетмоқчи эмас  2

Шаҳар бедарвозами? Янгиликлар

Шаҳар бедарвозами?

Телеграмдаги "қизил ВАР" канали ўзбек футболидаги муаммолардан бирига тўхталди:

"Янги йилнинг аввалида "Навбаҳор", "Нефтчи" ва АГМК жамоаларининг фаол трансфер компанияси барчани ўзига маҳлиё қилиб қўйди. Эйфориядаги мухлислар "Пахтакор" гегемонлиги якунлангани, чемпионлик Олмалиқ ёки Наманганга насиб қилиши ҳақида гапиряпти. Лекин, негадир "Насаф" яна жим...

Умуман олганда, ҳозир футболимиз учун Қарши шаҳри жамоасининг кучайиши муҳимроқ. Чунки "Насаф"ни 15 март санасида кутиб турган ўйин ("Банияс" майдонида) биз учун муваффақиятли якунланса, 2022 йилда ҳам халқаро майдонда 3 клубимиз иштирок этади ("Сўғдиёна"га ОФК кубоги учун йўл очилади). ОЧЛ ва ОФК кубогидаги ижобий натижалар эса 2024 йил учун халқаро мусобақаларга бериладиган квоталаримизга таъсир қилади. 

Аммо "Насаф" матбуот хизмати жим. Жамоани Дониёр Нарзуллаев ҳамда Андрия Калудерович тарк этди, таркибга келиб қўшилган янги футболчилар ҳақида маълумот берилмади, ҳеч ким трансфер қилинмади. Аслида қилишнинг имкони ҳам йўқ!

Боиси шундаки, ФИФА 9 декабрь куни "Насаф"га трансфер тақиқи белгилаганди. Бу санкция Абделае Диаките олдидаги қарздорлик ва жарима тўланмагани учун қўйилган. Энг қизиғи, франциялик футболчи Ўзбекистонда 1 кун ҳам бўлмаган, лекин жамоа раҳбариятининг "оқилона" қарори туфайли белини оғритмасдан ҳам 100 минг доллар ишлаб топади. Шунингдек, клуб ОФКга ҳам жарима тўлаши кераклиги айтиляпти ("Ли Ман" билан ўйинда стадиондаги хавфсизлик масаласига эътиборсиз бўлгани учун). Бу жазо ҳам айнан раҳбариятнинг қўпол хатоси туфайли "осмондан тушди". Агар "Насаф" мутасаддилари ОФК вакилининг огоҳлантиришини тўғри қабул қилишса, катта эҳтимол билан бундай бўлмасди.

Энди савол туғилади: юқорида айтилган ҳолатларда "қовунни ким(лар) ерга тушириб юборган?" Уларга нисбатан қандайдир чора кўриладими ёки клуб бюджети ҳамда ўзбек футболи имиджига катта зарар етказаётганлар даҳлсиз кимсаларми? 

Юқоридаги каби ҳолатлар аввалроқ давлат улуши бор корхоналар томонидан молиялаштириладиган бошқа жамоаларда ҳам такрорланганди. Бу мутасаддиларнинг илимсизлиги туфайли юзага келадиган ҳолат. Иш жараёнида билим тополмаган мутахассислар ҳеч бўлмаса мухлислардан узр сўраш учун куч тополса яхши бўларди. Ҳамма ўз хатолари учун жавоб бериши керак! 

P.s. Афсуски, яқин келажакда бундай бўлмаса керак. Чунки дарвозаси йўқ шаҳарлар фақат бизда бор...", — дейилади постда.

Рейтинг: +29   

Фикрлар

championat.asia
< сўнгги янгиликларни кўриш
Яндекс.Метрика