Сергей Лушан: "Ҳужум қилиш ва ғалаба қозонишимиз шарт"

- Эронликларга меҳмондўстлик учун раҳмат айтаман. Ўйинда ҳужум қилиш ва ғалаба қозонишимиз шарт. Мусобақа жадвали шунга мажбур қилади. Умид қиламанки, ўз ўйинимизни кўрсатиб “Зоб Аҳан” ҳимоясини ёриб ўтамиз. Ҳар бир ўйинда 3-4та голли вазият яратаяпмиз. Эртага ҳам шундай бўлишига умид қиламан. Агар улардан фойдалана олсак барчаси яхши бўлади. Гуруҳда ҳозирча “Зоб Аҳан” ва “Ал Насср”нинг имкониятлари яхшироқ. Бироқ эртага кўп нарса ўзгариб кетиши мумкин. Ғалаба учун курашамиз ва гуруҳдан чиқиш учун бор кучимизни ишга соламиз, - дейди Сергей Лушан.

- Бизни жуда яхши кутиб олишди, барчага раҳмат айтаман. Эртага осон бўлмаган ўйин кутиб турибди. Тошкентда ҳам иккала жамоа ғалаба учун ўйнашганди. Ҳужум қилишга мажбурмиз. Бундан ташқари ҳимояда ҳам тартибли ўйнашимиз шарт. Айни пайтда мухлисларимиз биздан хафа. Уларни хурсанд қилиш учун ғалаба қозонишимиз керак, - дейди Рустам Ашурматов.