"Сен Про лига футболчиси эмассан, деган гаплар бўлди. Мен учун "Локомотив" Суперлигага қайтиши керак, тамом" — Марат Бикмаев

Ҳужумчи "темирйўлчилар"нинг бугундан бошланган йиғинига қўшилди. Машғулотлардан сўнг унинг фикрлари билан қизиқдик.

"Локомотив" мен учун бегона эмас. Аввал бу жамоа билан кўп ютуқларга эришганман. Коллектив яхши қарши олди. Барчаси ёқимли. Ўзимни яхши ҳис қиляпман. 

"Динамо" билан шартномам якунланганди. Иккинчидан Вадим Абрамов билан ўзаро тил топиша олмадик. Унинг ўз қарашлари, менинг ўз қарашларим бор. Яхшиси дўстона хайрлашдик. Самарқандда шароитлар ҳам, футбол ҳам жойига тушади, деган умиддаман. Чунки "Динамо"да мухлислар футболни яхши кўришади.

Мен учун муҳими "Локомотив" Суперлигага қайтиши керак, тамом. Бундай жамоанинг ўрни Про лигада эмас. Сен Про лига футболчисига кирмайсан, деганлар бўлди. Бундай гаплар қизиқтирмайди. Биринчи ўринда жамоа манфаати",- дейди Марат Бикмаев.