Сайфиев ва Эркинов МТЖнинг Саудия Арабистонидаги йиғинларини ўтказиб юборади
19 мар 2023 22:24
Янгиликлар

Сайфиев ва Эркинов МТЖнинг Саудия Арабистонидаги йиғинларини ўтказиб юборади

Иброҳимҳалил Йўлдошев миллий терма жамоага, Аҳмадулло Муқумжонов эса U-23 терма жамоасига жалб этилади.

Ўзбекистон футбол ассоциацияси миллий терма жамоанинг Саудия Арабистонига борадиган таркибида икки ўзгариш бўлганлигини маълум қилди.

"Ўзбекистон миллий терма жамоаси футболчиси Фарруҳ Сайфиев кичик жароҳати сабабли, Ҳожимат Эркинов эса тикланиш машғулотлари устида ишлаётгани боис Саудия Арабистонида бўлиб ўтадиган ўқув-машғулот йиғинларини ўтказиб юборади.

Олимпия терма жамоасига чақирилган Иброҳимҳалил Йўлдошев МТЖ сафига бориб қўшилади. U-23 терма жамоасига эса “Олимпик” ҳимоячиси Аҳмадулло Муқумжонов жалб этилди", -дейилади ЎФА берган баёнотда.