"Саудия Арабистонининг ғалабаси тасодиф эмас, мен ўйиндан олдин камида дуранг кутгандим" - Жалолиддин Машарипов

- Саудия Арабистони ва Япониянинг Жаҳон чемпионати 1-туридаги ғалабалари тасодифми?
- Саудия терма жамоасининг Аргентина устидан қозонилган ғалабасини тасодиф деб ҳисобламайман, мен ўйин олдидан камида дуранг кутгандим. Саудиялик ўйинчиларни яхши биламан, ҳозирги вақтда жуда тартибли ва яҳши ўйин намойиш этишмоқда. Япония ва Саудия терма жамоаларини узоққа боришини башорат қилгандим, Японлар олдиндан катта турнирларда яхши иштирок этишади ва куни кеча улар Германияни мағлуб этишди тартибли ва интизомли ўйин кўрсатиб, шунинг учун Япония ва саудияликларни турнирда яхши иштирок этишига ишонаман ва кейинги ўйинларда Саудия Арабистонига ҳудди шундай хоҳиш ва мотивация билан ўйнашиши керак. Агарда кейинги ўйинларда Аргентинани ютгани учун жамоа бемалол ўйнаса, Мексика ва Польша ҳам кучсиз рақиб эмас, плей-офф босқичига чиқиш учун ҳудди шундай тартиб ва хоҳиш билан ўйнаши керак. Япония гуруҳдан чиқса керак, чунки уларнинг имкониятлари кўп ва кўп япон ўйинчилари Европанинг яхши чемпионатларда ўйнашади. Японлар Европа футболини анча яхши билишади.

- Саудия Арабистонида Ёсир Ал Шаҳрони билан Самлон Ал Фараж жароҳат олди. Бу қанчалик катта йўқотиш?
- Бу катта йўқотиш, чунки икки ўйинчи ҳам терма жамоада ва ўз клубларида муҳим ва етакчи ўйинчилар, бири чап қанотда ўйнайди ва бири эса майдон марказини назорат қилади. Бу йўқотишлар жамоага таъсир қилади.

- Сизнинг фикрингизча ким чемпион бўлади?
- Финалда Бразилия ва Франция ўйнашини кутаяпман. Ўзим Бразилия терма жамоасига мухлислик қиляпман.