Сарвар Жўраев: “Яна “Олмалиқ”қа қайтишим ҳам мумкин”

Айтиш керакки, ғузорликлар сафида Жўраев “йўқолиб” қолгани йўқ. Аксинча унинг ўзи истаганичалик ўйин амалиётига эга бўлди. Футболчининг ўзи билан суҳбатлашганимизда ҳам бу ҳақда айтиб ўтди.

- Билсангиз керак мавсумни “Олмалиқ”да бошлагандим. Аммо у ерда захирада ўтириб қолдим. Айни ўйнайдиган ёшда бўла туриб, вақтим келишини кутиш ёқмади. Шу боис ёзда муҳитн ўзгартиришга қарор қилдим. Бу пайтга келиб “Шўртан”дан чорлов бўлди. Иккиланиб ўтирмасдан ғузорликлар лагерига бориб қўшилдим – дея гап бошлади Сарвар Жўраев.

- Ўйламанки “Шўртан”га ўтиб хато қилмадим. Аксинча у ерда етарлича ўйин амалиётига эга бўлдим. Мен учун энг муҳими ҳам шу эди. Жамоа мени жуда яхши қабул қилди ва янги муҳитга мослашиб кетишим ҳам қийин кечмади.

- Қандай ўйин кўрсатганим борасида эса ҳозир сизга айтишим қийин. Ўзимга ўзим баҳо бера олмайман. Яхшиси бу ҳақда мураббийлардан сўраганингиз маъқул.

- Мавсум якунига етганига ҳам кўп вақт бўлмади. Ҳозир ҳамма қатори мен ҳам оилам даврасида дам оляпман. Кейинги тақдиримни қайси жамоа билан боғлаш тўғрисида ўйлаб кўрганим йўқ. Қолаверса “Олмалиқ” билан амалдаги шартномам ҳам бор ва у йил охирида ўз кучини йўқотади. Агарда Игорь Шквирин яна жамоасига чақирса бораман. Акс холда ўзимга бошқа вариант қидираман.

- “Шўртан” раҳбарияти ёки мураббийлари билан ҳозирча бўлажак режалар ҳақида суҳбатлашмадик. Эхтимол яқин орада бу нарса амалга ошар – дейди Сарвар Жўраев.

Исломбек Рустамбеков суҳбатлашди.