Сарри: "Юнайтед" таркиб бўйича зўр, аммо ўйин бобида Манчестерда "Сити" энг кучлиси"

- "Доимгидек терма жамоалар ўйинидан кейин баъзи муаммолар пайдо бўлади. Таркибдаги энг жиддий муаммо - Ампаду билан боғлиқ. Шунингдек, Хадсон-Одои ва Баркли билан кичик муаммолар юзага келган. Ампадунинг жароҳати жиддий.

Яхши хабарлар ҳам йўқ эмас. Масалан Рюдигер ва Ковачич охирги кунларга келиб анча яхши формага киришди. Менимча, улар баҳсга тайёр.

Қайд этаётган натижаларимиздан қониқяпман. Аммо ўйинни янада кучайтиришимиз лозим. Мен жамоага келганимдан буён тўлиқ таркибда жамоани шуғуллантирганим йўқ. Августда қўл остимда 8 нафар футболчи билан машғулот ўтказдим холос. Кейинчалик эса мавсум бошланди ва ҳар 3-4 кунда ўйин ўтказяпмиз. Шу боисдан мавсум давомида катта ҳажмдаги юкламалар билан ишлаш оғирлик қилади. Келажакда биз ўйин сифатини янада яхшилай оламиз. Бу энг юқори чўққимиз эмас. Ҳозирча эса рақибларга ҳам етарлича имконият тақдим этяпмиз.

Юнайтед таркиб борасида чемпионатдаги энг кучлиси. Аммо ўйин бобида "Сити" кучли. Юнайтед фақат таркиб эътибори билан кучлироқ кўринади. "Манчестер Юнайтед" "Челси"га қарши рақибдан келиб чиқиб ўйнайдими ёки йўқ, очиғи билмадим. Мени ўзимизни ўйин қизиқтиради. Биз эса ҳеч қачон рақибга қараб ўйнамаймиз. "Челси" доим ўз футболини кўрсатади", - деди Маурицио Сарри.