"Мен 100 фоиз тайёр эдим, лекин ЖЧнинг биринчи ўйинига икки кун қолганида касалхона каравотида наркозга тайёрланиб ётишга тўғри келди. Пухта тайёргарлик кўргандим, ажойиб формада эдим ва тўсатдан шундай ҳолат юз берди. Бундай пайтда: "Нега айнан мен билан шундай бўлди?" деб ўйлаб қоласан. Бу ҳеч қандай баҳона эмас, лекин ортга назар ташлаб, ўзингга: "Хўш, бу жараённинг бир қисми", дейишинг керак.
Жаҳон чемпионати ўтганидан сўнг камида икки-уч ҳафта тушкун кайфиятда юрдим ва руҳан ўзимга кела олмадим. Тинчланиш ва дам олиш учун менга вақт керак бўлди. Мундиалдан кейин фаолиятимдаги энг катта умидсизликни бошдан кечирдим десам бўлади. Мен доим воқеаларга оптимистик руҳда қарашга ҳаракат қиламан, аммо бу сафар ўзимга келишим учун бир неча ҳафта керак бўлди", – дея Мактоминейнинг сўзларини келтиради “Sky Sports”.
Сентябрь ойида "Наполи" ярим ҳимоячиси Манчестерда юракнинг енгил аритмиясини даволашга қаратилган катетер абляцияси муолажасини ҳам ўтказган эди.
