Санжар Турсунов: “Оқ бўрилар” қишки овга чиқади

Айни пайтда Австралияда 2015 йил 9-31 январь кунлари бўлиб ўтадиган Осиё Кубогига Ўзбекистон терма жамоаси билан тайёргарлик ўтказаётган Санжар Турсунов Степан Шифо исмли журналистлар билан суҳбатда Ўзбекистон терма жамоасининг Осиё кубогидаги режалари билан ўртоқлашади.

“Кўриб турганингиздек, мавсумлар оралиғидаги таътилни бошқа жамоадошларимдан фарқли равишда футбол ўйнаш билан ўтказмоқдаман. Биз терма жамоамиз билан Осиё Кубоги учун ўйинларга қаттиқ тайёрланяпмиз. Ниятимиз финалда ҳам ғалаба қозониб, совринга эга чиқиш. 10 декабрь куни “оқ бўрилар” қишки овни бошлашади”, – дейди Санжар Турсунов.

У шунингдек, “Ворскла” жамоасидаги дўстлари уни турнир давомида руҳан қўллаб-қувватлашларига ҳамда жамоа раҳбарияти турнир якунлангач, унга қўшимча таътил кунлари қўшиб беришига умид қилишини маълум қилиб ўтган.

Маълумот учун, Ўзбекистон терма жамоаси Осиё Кубогига тайёргарлик жараёнининг охирги босқичи сифатида 17-29 декабрь кунлари БААда йиғин ташкил қилади ҳама 20 декабрь куни Иордания билан, 25 декабрь ва 28 декабрь кунлари Ироқ билан икки марта ўртоқлик учрашувларида майдонга тушади. 29 декабрь куни эса Санжар Турсунов ўзининг 28 ёшга чиққанини нишонлайди.

“Полтовщина Спорт” газетаси журналисти ўз мақоласида Ўзбекистон терма жамоасидаги бошқа машҳур футболчилар, Виталий Денисов, Одил Аҳмедов, Александр Гейнрих ва Тимур Кападзеларнинг номларини санаб, турнир давомида таҳририят ходимлари Ўзбекистонга мухлислик қилиши ҳақида айтиб ўтади.