UZ

Сўнгги янгиликлар

23:46"Манчестер Юнайтед" Амир Ибрагимов билан шартнома имзолади  3 23:18ESPN 20 ёшгача бўлган энг яхши футболчилар рейтингини тузди, Абдуқодир Ҳусанов ҳам эътироф қилинди  2 23:04АПЛ. "Челси" - "Тоттенхэм" баҳси асосий таркиблари маълум!  1 22:46"Борнмут" футболчиси АПЛнинг топ-клублари қизиқишлари доирасида  2 22:13Мирко Еличич "Локомотив" билан ўйиндан сўнг: "Икки ой шуғулланасан ва бир маротаба ҳам табиий майдонда футбол ўйнай олмайсан..."  2 21:53U-17 Осиё кубоги. Ўзбекистон мусобақани йирик ғалаба билан бошлади  36 21:31"Арсенал"нинг асосий ҳимоячиси учун мавсум якунланди  3 20:51Григорий Колосовский: "Ғалаба қозондик, лекин ўйин сифатидан умуман қониқмадим"  0 20:25"Реал" посбони сафдан чиқди  5 19:58"Арсенал" асосий ҳимоячиларидан бири учун мавсум якунланди  6 19:42Ўзбекистон кубоги. Сервер Жепаров бошчилигидаги "Оқ-тепа" ва Самарқанднинг "Иштихон" клуби гуруҳ босқичида   0 19:29УЕФА Рюдигерни дисквалификация қилиши мумкин  22 18:22Футзал. Ўзбекистон Хитой устидан йирик ҳисобдаги ғалабага эришди  4 18:00ПРО-Лига. "Арал" - "Жайхун" 4:0   14 17:55ПРО-Лига. "Локомотив" "Олимпик" билан баҳсда 0:2 ни 3:2 қила олди  6

Санжар Рашидов: "Бунёдкор"да рақобатда ютқазганим йўқ" Янгиликлар

Санжар Рашидов: "Бунёдкор"да рақобатда ютқазганим йўқ"

Тошкентнинг "Бунёдкор" жамоасини қишки трансферлар ойнаси вақтида яна бир ярим ҳимоячи Санжар Рашидов тарк этди.

Ўз вақтида "Сўғдиёна"да етакчига айланган ва ўзини кўрсатган футболчи "Бунёдкор"да ҳам нималарга қодирлигини кўрсатиши кутилган эди. Лекин ундай бўлиб чиқмади. Кўп ҳолларда ўйин амалиётисиз қолиб кетди. Эндиликда Санжар Рашидов қандай йўл тутади? Ортда қолган мавсумда рақобатда ютқаздими? Шу ва бошқа саволлар билан унга юзландик. 

- Ўтган мавсумда сиз билан суҳбатлашганимизда "Бунёдкор" орқали фаолиятимда янги саҳифа очишни мақсад қилганман, дегансиз. Пойтахт клубидаги фаолиятингиз ўзингиз ўйлагандек чиқдими?

- Ассалому алейкум. Тўғри "Бунёдкор"га улкан ниятлар билан борган эдим. Лекин ҳар доим сиз ўйлаган нарса бўлавермас экан. Ўзим истаган даражада ўйнай олмадим. Мавсум давомида кам майдонга тушдим. Қисқаси қониққаним йўқ. Ҳаммаси худодан. 

- Сизнингча, нима учун жамоани кўп футболчилар тарк этмоқда?

- Аксарият ўйинчиларнинг шартномаси 31 декабрь куни якунлаган. Тўғриси қолганларнинг вазиятидан хабардор эмасман. 

- Санжар Рашидовнинг кейинги манзили қайси жамоа бўлиши мумкин?

- Ҳозир бирор нарса дея олмайман. Насиб қилса, тез кунларда аниқ бўлади. 

- "Сўғдиёна"даги ўйинингизни "Бунёдкор"да кўрсатишингизга нима тўсқинлик қилди? Балки рақобатда ютқазгандирсиз. Ҳар ҳолда сиз ўйнайдиган позицияда футболчилар кўп эди...

- Юқорида айтганимдек кўп ҳам майдонга тушмадим. Асосан захирадан ўйинга қўшилдим. Жамоада кучли ижрочилар йиғилган. Буни тан оламан. Аммо мен рақобатда мағлуб бўлмадим. Айрим сабабларга кўра, баъзи бир инсонлар учун шундай ҳолат юз берди. 

- "Сўғдиёна"нинг иккинчи ўринни олиши тарихий натижа сифатида қабул қилинди. Жиззахлик мухлислар бу борада сизни ҳам унутишмаганини, табриклашганини эшитдик...

- Бу мен учун жонажон жамоа ҳисобланади. Жиззахда 10 йил тўп тепдим. Қаерда бўлсам ҳам "Сўғдиёна" юрагимда туради. Мавсум давомида мухлислик қилдим, деб баралла айта оламан. Клуб бунинг учун кўп меҳнат қилди. Раҳбар Ўктам Маҳмуджонов кўп ишларни амалга оширди.  Тўғри таъкидладингиз ўшанда кумуш медаль билан ишқибозлар менга ҳам қўнғироқ қилиб қутлашди. Янги мавсумда ҳам уларга фақат омад тилайман.

Муаллиф : Iskandarov Abdulaziz
Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика