SANIX халқаро кубоги. Ўзбекистон U-17 ярим финалда мағлуб бўлди ва 3-ўрин учун ўйнайди
19 мар 2016 17:43
Янгиликлар
![](https://championat.asia/upload/storage/202009_original.jpg)
![](/upload/storage/202009_220.jpg)
SANIX халқаро кубоги. Ўзбекистон U-17 ярим финалда мағлуб бўлди ва 3-ўрин учун ўйнайди
17 март куни старт олган ушбу турнир гуруҳ босқичида Аҳмаджон Мусаев бошчилигидаги 1999 йилда таваллуд топган футболчилардан ташкил топган терма жамоа Япония U-17, Жанубий Корея U-17 ҳамда Пекин-U17 терма жамоалари билан бир гуруҳдан ўрин олганди. Мусобақада шунингдек, Япония маҳаллий клубларининг 17 ёшгача бўлган ўсмирлар жамоалари ҳам иштирок этмоқда. 16 иштирокчи жамоа 4тадан 4 гуруҳга бўлиниб, баҳсларни ўтказди.
Ўзбекистон U-17 дастлабки учрашувни Японияга қарши ўтказиб, 0:0 ҳисобидаги дуранг натижа қайд этди. Мусобақа регламентига кўра дуарнг билан якунланган асосий вақтдан сўнг, пенальтилар серияси ўтказилди ва унда япронияликлар ғалабани қўлга киритди — 5:3.
17 март кунининг иккинчи ярмида ушбу мусобақа доирасида жамоалар иккинчи учрашувларини ўтказишди. Унда Аҳмаджон Мусаев бошчилик қилаётган жамоа Пекин ўсмирлар терма жамоасига қарши майдонга тушиб, 1:0 ҳисобида ғалабани қўлга киритди
18 март куни эса турнирнинг навбатдаги учрашувлари бўлиб ўтди. Аҳмаджон Мусаев жамоаси 3-тур ўйинлари доирасида Жанубий Кореялик тенгдошларига қарши майдонга тушди. Учрашув асосий вақтида ғолиб аниқланмади ва турнир регламентига кўра пенальтилар серияси ўтказилди. Унда ўзбекистонликлар 6:5 ҳисобида ғалаба қозонди.
Таъкидлаш керакки, мусобақа регламентига кўра, ўйиннинг асосий вақтида ғалаба қозонган жамоага 4 очко, асосий вақтда мағлуб бўлган жамоага 0 очко, пенальтилар серияси бўйича ғалаба қозонган жамоага 2,5 очко, пенальтилар бўйича мағлуб бўлган жамоага 1,5 очко берилади.
Шу тариқа, Ўзбекистон U-17 терма жамоаси гуруҳ босқичида 8 очко жамғариб, кейинги босқичга йўл олганди.
Чорак финалда Ўзбекистон U-17 Япония маҳаллий клубларидан бири – “Омия Ардижа” билан тўқнаш келди. Ушбу учрашув 2:1 ҳисобида Мусаев бошчилик қилаётган жамоа ғалабаси билан якун топди.
Ярим финал баҳсида эса ўзбекистонликлардан Ислом Кенжабоев (32) ҳамда Бобуржон Асқаров (38) ўз ҳисобига гол ёзиб қўйишди. Бироқ Ўйиннинг 32-дақиқасида Муҳаммад-Юсуф Абдумажидов майдондан четлатилгач, Ўзбекистон U-17 ўйинни 10 нафар футболчи билан давом эттиришига тўғри келди. Якунда япон клуби уч бора Умиджон Эргашев қўриқлаган дарвозани ишғол қилиб, ғалабани қўлга киритди ва финалга йўл олди.
Ўзбекистон U-17 терма жамоаси эса 20 март куни учинчи ўрин учун бўладиган учрашувда иштирок этади.
SANIX халқаро кубоги.
Ўзбекистон U-17 – “Фунбаши” U-17 (Япония) 2:3
Голлар: Ислом Кенжабоев (32), Бобуржон Асқаров (38)
Ўзбекистон U-17:12. Умиджон Эргашев, 2. Бурхон Усмонов, 3. Илҳомжон Алижонов 5. Худойшукр Сатторов, 6. ДостонбекБердиқулов, 7. Бобуржон Асқаров, 8. Жаҳонгир Аҳмедов, 15. Ислом Кенжабоев, 16. Сухроб Иззатов,17. Афзалжон Холмуҳамедов, 19. Муҳаммад-Юсуф Абдумажидов.
Захира:1. Акром Хўжаев, 4. Отабек Бекбоев, 9. Камрон Саидазимов, 10. Зокиржон Аҳмаджонов, 11. Жаҳонгир Абдуаломов, 13. Абдулло Раҳимжонов, 14. Жасур Раҳимов, 18. Дониёр Азизов,21. Жавоҳир Қиличев.
Четлатиш: Муҳаммад-Юсуф Абдумажидов (32)
Ўхшаш янгиликлар
![AMP Logo](https://championat.asia/image/logo-amp.png)
Фикрлар