UZ

Сўнгги янгиликлар

00:26Манише Феликс ҳақида: "Футбол лойиҳаси бўлиб қолди. Шундай клубларда имкониятлар, аммо у ишлашни хоҳламайди"  0 00:06"Интер" ва Нкункунинг агентлари трансфер шартларини муҳокама қилишмоқда  0 23:41Иван Бошкович: "Бугун нимадир ўхшамади"  0 23:14Суперлига. Пенальтидан тўп киритилмаган ва гол ҳисобга олинмаган ўйинда "Динамо" "Навбаҳор" билан жанговар дурангга имзо чекди  109 23:05Рўзиқул Бердиев: "Қарши ҳужум режасини туздик ва бу ўз мевасини берди"  6 22:50Виталий Левченко: "Катта устунликка эришиб якунда мағлуб бўлиш жуда аламли"  12 22:17Илёс Зейтуллаев: "Стадиондаги муҳит учун мухлисларга раҳмат айтаман"  4 22:00Суперлига. "Сўғдиёна" иккита гол урган ўйинда "Насаф" ғалаба қозонди  34 21:43Таҳлил. Бугун Фарғонада "Нефтчи" эмас Левченко ютқазди, Зейтуллаевга 5 баҳо  16 21:39"Челси" форварди АПЛнинг бошқа клубига ўтишга яқин  1 20:56Суперлига. "Бунёдкор" Фарғонада "Нефтчи"ни мағлуб этди  76 20:20"Барселона" Рэшфордни рўйхатдан ўтказиш учун кимни сотиши мумкинлиги маълум бўлди  12 19:31Нуньес эндиликда "Милан"нинг ҳужумчи позицияси учун асосий номзодидир  1 18:50Расман: Рамсдейл янги клуб билан шартнома имзолади  0 18:34Эдерсон янги клуб билан келишувга эришди  1

Самарқандда “ЎФА Кубоги” баҳслари старт олади Янгиликлар

Самарқандда “ЎФА Кубоги” баҳслари старт олади

Маълумки, Ўзбекистон футбол Ассоциацияси ҳамда Ўзбекистон Республикаси Олий ва ўрта махсус таълим вазирлиги икки томонлама ҳамкорликни янада ривожлантириш учун ўзаро меморандум имзолаганди.

Ана шу меморандум асосида юртимиздаги Олий таълим муассасалари ўртасида футбол бўйича “Ўзбекистон футбол Ассоциацияси Кубоги” мусобақаларини ўтказишга келишиб олинганди.

ЎФАнинг тасдиқланган режасига асосан 27 мартдан 5 апрелга қадар Самарқандда «ЎФА Кубоги»нинг биринчи босқич ўйинлари бўлиб ўтади. Унда вилоятдаги саккизта Олий таълим муассасалари жамоалари икки гуруҳга бўлинган ҳолда ўзаро куч синашишади. Булар, “А” гуруҳида  Самарқанд давлат архитектура қурилиш институтининг “СамДАҚИ”, Самарқанд давлат университети Жисмоний маданият факультетининг “СамДУ-1”, Тошкент ахборот технологиялари университети Самарқанд филиалининг “ТАТУ”, Самарқанд қишлоқ хўжалик институтининг “СамҚХИ”, “В” гуруҳида Самарқанд давлат университети талабалари термасининг “СамДУ-2”, Самарқанд иқтисодиёт сервис институтининг “СамИСИ”, Самарқанд давлат чет тиллар институтининг СамДЧТИ” ҳамда  Самарқанд тиббиёт институтининг “СамМИ” жамоаларидир.

Талабалар Самарқанд шаҳридаги “Олимпия” номли ИБЎСМ ҳамда БЎСМ-2 майдонларида кураш олиб боришади. Гуруҳ ўйинлари 27 мартдан 1 апрелга қадар давом этади, 3 апрелда ярим финал, 5 апрелда эса финал учрашуви ўтказилиши белгиланган.

Турнир ғолиби апрель ойининг иккинчи ярмида айнан Самарқандда ташкиллаштириладиган иккинчи босқичга йўлланма олади. Мусобақа қонун-қоидасига мувофиқ иккинчи босқич тўрт минтақада ташкиллаштирилади – Наманган, Самарқанд, Урганч ва Тошкент шаҳарларида. Самарқанд минтақасида мезбонлардан ташқари Қашқадарё, Навоий ва Қашқадарё вилоятлари ғолиблари иштирок этишади.

Қолган уч минтақа қатнашчилари:
Наманган шаҳрида – Наманган, Андижон, Фарғона вилоятлари;
Урганч шаҳрида – Хоразм, Бухоро вилоятлари ва Қорақалпоғистон Республикаси;
Тошкент шаҳрида – Тошкент, Сирдарё, Жиззах вилоятлари ва Тошкент шаҳар мусобақалари ғолиблари.  
 
 “ЎФА Кубоги” баҳслари орқали талабалар ўз имкониятларини чамалаб олишлари билан бир қаторда уларнинг бўш вақтларини мазмунли ўтказиш ҳам таъминланмоқда. Қолаверса, мусобақа ёшларни маънавий бой ва жисмонан соғлом этиб тарбиялаш, уларнинг қалбида Ватанга садоқат, ўзига ишонч, спортга муҳаббат туйғуларини уйғотишга ҳам хизмат қилиши билан ҳам аҳамиятлидир.

Рейтинг: -4   

Фикрлар

championat.asia
< сўнгги янгиликларни кўриш
Яндекс.Метрика