Салихамиджич "Бавария" Анчелоттини нега бўшатганини ва қандай мураббий қидираётганини айтди

- "Герта"га қарши ўйинда жамоани Вилли Саньоль вақтинча бош мураббий сифатида майдонга бошлаб тушади. Ўйлайманки, жамоа якшанба куни бўлиб ўтган воқеаларга тўғри реакция қилади. Энди ҳеч қандай баҳона йўқ. Айни пайтда олдимизда турган энг муҳим нарса бу Берлиндаги ўйин. Биз "Герта"ни мағлуб этишни истаймиз. Саньоль бошчилигида жамоа ғалаба учун бор кучини сарфлашига ишонаман.

Саньоль якшанба куни Берлинда топ жамоа майдонга тушиши учун қўлидан келадиган барча қилишига шубҳа йўқ.

Янги мураббий? Ҳа, биз ҳозир номзодлар устида бош қотиряпмиз. Аммо расман маълум бўлмагунча, биз бу ҳақида изоҳ бермаймиз. Якуний қарорни қабул қилганимиздан кейин албатта журналистлар билан алоҳида матбуот анжумани ташкил этилади.

Ҳа, мавсум стартида мураббийни алмаштириш "Бавария" учун нормаль ҳолат эмас. Жамоада шундай ҳолат кузатилдики, биз истеъфо ҳақида қарор қабул қилишга мажбур бўлдик. Сўнгги пайтларда жамоанинг ички муҳитидаги носоғлом кайфият натижаларга ҳам таъсир кўрсатаётганди. Шу боисдан ҳам ПСЖга қарши ўйин сабримизнинг сўнгги томчиси бўлди.

Бизга мавжуд муаммоларни бартараф эта оладиган, қийин вазиятда керакли қарорларни қабул қиладиган ажойиб мутахассис керак. Албатта, бу каби мутахассисни ҳозир топиш жуда қийин иш. Аммо биз керакли мураббийни топамиз.

"Бавария" ҳақида қайғураётган диққатига, сизлар биздан ҳавотир олманг! "Бавария" ушбу қийин вазиятдан кучлиларга чиқиб кетишга қодир", - дейди Хасан Салихамиджич.

"Герта"га қарши 7-тур учрашувидан кейин ФИФА кунлари туфайли кичик танаффус юзага келади. Айнан ушбу кичик танаффусда "Бавария" ўзининг янги бош мураббийини эълон қилади.

Эслатиб ўтамиз, клуб президенти Ули Хёнесс "Бавария"га бош мураббий сифатида Томас Тухелни таклиф этиши ҳақида ёзгандик.  Немис матбуотининг ёзишича, Томас Тухель билан музокаралар бошланган ва тез орада расмий маълумот эълон қилинади.