Салим Мустафоев: "Кейинги ўйинларда ҳам асосий таркибда тушишга ҳаракат қиламан"
07 мар 2016 21:10
Янгиликлар
![](https://championat.asia/upload/storage/200792_original.jpg)
![](/upload/storage/200792_220.jpg)
Салим Мустафоев: "Кейинги ўйинларда ҳам асосий таркибда тушишга ҳаракат қиламан"
Бу учрашувда ҳимоячи Салим Мустафоев асосий таркибда майдонга тушиб, тўлиқ 90 дақиқа тўп тепди. Бугун туғилган кунини нишонлаётган футболчининг ўйин борасидаги фикрлари қуйидагича бўлди.
Ўйин ҳақида
- Наманганда янги мавсумнинг очилиш ўйин бўлгани учун баҳс икки жамоа учун ҳам қийин кечди. Биз аввалига 0:1 ҳисобида мағлубиятга учраётгандик, бироқ иккинчи таймда учта тўп киритишга муваффақ бўлдик ва ўйин охирларида яна гол ўтказиб юбордик. Иккинчи голни ўтказиб юборганимиздан сўнг бироз хавотир босди, ўйинимизда пала-партишлик юзага келди, лекин ғалабани сақлаб қола олдик.
Стадиондаги муҳит ҳақида
- Стадион тўлди, бу эса ҳар икки жамоага маъқул келди. Ҳар бир футболчи кўплаб томошабинлар қаршисида тўп тепишни хоҳлайди. Наманганлик мухлисларнинг ниҳоятда кўплиги бизга босим ўтказгани йўқ, аксинча бундан хурсанд бўлдик.
Асосий таркибда майдонга тушгани ҳақида
- Бундан олдинги икки учрашувда (ОЧЛ баҳсларида) майдонга туша олмадим. "Навбаҳор" билан ўйинда эса мураббийлар менга имкон беришди ва жамоамга фойда келтиришга ҳаракат қилдим. Кейинги беллашувларда ҳам бошланғич таркибга кириш учун бор кучимни ишга соламан.
"Локомотив" матбуот хизмати
Ўхшаш янгиликлар
![AMP Logo](https://championat.asia/image/logo-amp.png)
Фикрлар